走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 21:1 | 耶和華對摩西講：「你著吩咐亞倫的子孫做祭司者講：族中有人死，呣通為著伊來拍垃墋家己， |
|---|---|
| 21:2 | 獨獨為著伊骨肉的親就是為著伊的老母，為著伊的老父，為著伊的子，為著伊的查某子，為著伊的兄弟， |
| 21:3 | 以及及伊至親、做在室女的姊妹，為著伊通拍垃墋家己。 |
| 21:4 | 伊已經佇百姓中做頭，就呣通從俗來拍垃墋家己。 |
| 21:5 | 頭殼呣通剃光光；嘴鬚的周圍呣通髡，也呣通家己割肉。 |
| 21:6 | 著歸𪜶的上帝來成聖，呣通褻瀆𪜶的上帝的名；因為耶和華的火祭，是𪜶的上帝的食物，是𪜶所獻的，所以𪜶著成做聖。 |
| 21:7 | 𪜶呣通娶妓女做某，抑是受拍垃墋的婦仁人做某，也呣通娶互丈夫離出的婦仁人做某，因為𪜶是歸𪜶的上帝做聖。 |
| 21:8 | 所以你著分別伊做聖，因為伊獻你的上帝的食物；你著看伊做聖，因為我──互恁成聖的耶和華──就是聖者。 |
| 21:9 | 祭司的查某子若行淫凌辱家己，就是凌辱伊的老父，著用火燒伊。 |
| 21:10 | 「佇兄弟中做祭司頭，用抹的油斟佇伊的頭殼，閣設立擔當聖職，穿聖衫的，呣通拍散頭毛，也呣通拆裂衫。 |
| 21:11 | 呣通倚近死屍，也呣通為著伊的老父抑是伊的老母，拍垃墋家己。 |
| 21:12 | 呣通出聖所，也呣通褻瀆伊的上帝的聖所，因為伊的上帝抹油的冕旒佇伊的頭殼。我是耶和華。 |
| 21:13 | 伊著娶在室女做某。 |
| 21:14 | 寡婦抑是受離的婦仁人，抑是受拍垃墋者抑是娼妓諸個，攏呣通娶；獨獨通娶本族的在室女做某。 |
| 21:15 | 佇伊的百姓中呣通凌辱伊的後裔，因為我是互伊成聖的耶和華。」 |
| 21:16 | 耶和華吩咐摩西講： |
| 21:17 | 「你著給亞倫講：你逐世代的後裔，見有破相的，攏呣通近前來獻伊的上帝的食物。 |
| 21:18 | 因為見有破相的人，無論是睛暝的、跛腳的，凹鼻的、肢體有加的、 |
| 21:19 | 折腳折手的、 |
| 21:20 | 瘟痀的、矮細的、目睭有毛病的、生癬的、生瘡的，抑是損壞外身的，攏呣通近前來。 |
| 21:21 | 祭司亞倫的後裔，凡有破相的，攏呣通近前來，獻耶和華的火祭。伊有破相，呣通近前來獻伊的上帝的食物。 |
| 21:22 | 上帝的食物，無論是至聖者，是聖者，伊攏通食。 |
| 21:23 | 總是呣通來到帳簾，也呣通近壇前，因為伊有破相，免得褻瀆我許個聖所。因為我是互𪜶成聖的耶和華。」 |
| 21:24 | 對按呢，摩西吩咐亞倫及伊許個子，及以色列眾人講。 |
