走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 26:1 | 「恁呣通為本身做甚麼神佛，也呣通祀雕刻的偶像抑是柱像，也呣通佇恁的地界安置甚麼刻像的石，跪拜伊，因為我是耶和華──恁的上帝。 |
|---|---|
| 26:2 | 恁著守我諸個安息，敬我的聖所。我是耶和華。 |
| 26:3 | 「恁若遵趁我的律例，守我的誡命來行伊， |
| 26:4 | 我就給恁落及時的雨，地出伊的土產，田野的樹木結果子。 |
| 26:5 | 恁拍五穀欲拍到挽葡萄的時；挽葡萄欲挽到撒種的時；閣恁欲食恁的米糧到飽，佇恁的土地安然徛起。 |
| 26:6 | 我欲賞賜平安佇恁的地；恁倒啲睏，無人拍驚恁。我欲佇恁的地除去惡獸；刀劍也無經過恁的地。 |
| 26:7 | 恁欲趕走對敵，𪜶欲佇恁的面前倒佇刀下。 |
| 26:8 | 恁五人欲趕走一百人，恁一百人欲趕走一萬人；對敵欲佇恁的面前倒佇刀下。 |
| 26:9 | 我欲看顧恁，互恁生養真多，也欲及恁建立我的約。 |
| 26:10 | 恁欲食囥久久的舊五穀，閣為著新的搬出舊的。 |
| 26:11 | 我欲佇恁中間立我的會幕；我的心也無厭惡恁。 |
| 26:12 | 我欲行佇恁中間；我欲做恁的上帝，恁欲做我的百姓。 |
| 26:13 | 我是耶和華──恁的上帝，曾導恁出埃及地，免得恁做𪜶的奴僕；我曾斬斷恁的軛的索，互恁挺身來行。」 |
| 26:14 | 「恁若呣聽趁我，呣守我攏總的誡命， |
| 26:15 | 恁若棄拺我的律例，心內厭惡我的法度，致到無行我一切誡命，背我的約， |
| 26:16 | 我就欲按呢款待恁：我定著欲互恁驚惶、消瘦、熱病、目睭拍歹、心憂傷。恁欲空空撒種，因為恁的對敵欲食伊。 |
| 26:17 | 我欲對恁變面，恁欲敗陣佇對敵的面前。怨恨恁的，欲管轄恁；無人追趕，恁也欲逃走。 |
| 26:18 | 恁因為諸個代誌若猶久呣聽趁我，我就欲為著恁的罪加添七倍責罰恁。 |
| 26:19 | 我欲斷絕恁有勢力的驕傲，閣欲互恁的天親像鐵，恁的地親像銅。 |
| 26:20 | 恁出力著磨欲空空；因為恁的地無出伊的土產，地的樹木也無結伊的果子。 |
| 26:21 | 「恁行代誌若及我反對，呣肯聽趁我，我就欲照恁的罪加添七倍降災禍互恁。 |
| 26:22 | 我欲差野獸到恁的中間，咬食恁的子兒，吞滅恁的精牲，互恁的人額減少，恁的路拋荒。 |
| 26:23 | 「恁因為諸個猶久無受責督來歸向我，行代誌反對我， |
| 26:24 | 我也欲行代誌來反對恁，我本身欲因為恁的罪拍恁七倍重。 |
| 26:25 | 我閣欲互刀劍臨到恁，報應恁背約的罪；恁欲受圍困佇城內，我欲降瘟疫佇恁中間，也欲交恁佇對敵的手。 |
| 26:26 | 我斷絕恁所倚靠的米糧。彼時，欲有十個婦仁人佇一個爐給恁煏餅，秤恁的額的食物互恁；恁欲食，也食𣍐飽。 |
| 26:27 | 「恁因為這一切的事若猶久呣聽趁我，也行代誌反對我， |
| 26:28 | 我就欲發出大受氣，行代誌反對恁，我本身因為恁的罪責罰恁七倍的重。 |
| 26:29 | 閣恁欲食恁的子的肉，恁的查某子的肉恁也欲食。 |
| 26:30 | 我也欲毀壞恁的山頭壇，剉恁的日像將恁的身屍㧒佇恁的偶像的身上；我的心也欲厭惡恁。 |
| 26:31 | 我欲互恁的城拋荒，互恁諸個聖所荒廢；我也無欲鼻恁的香料的芳味。 |
| 26:32 | 我欲互地荒廢，恁的對敵徛佇遐的欲因為按呢來卬愕。 |
| 26:33 | 我欲四散恁佇列邦中；我也欲拔刀追趕恁。恁的地欲荒廢；恁的城欲拋荒。 |
| 26:34 | 「恁佇對敵的地徛起的時，恁的地拋荒，欲享受伊的安息；佇彼時，地欲歇睏，享受伊的安息。 |
| 26:35 | 地拋荒偌久，就欲得著安息許久；因為恁踮佇遐的日恁諸個安息的期伊無得著安息。 |
| 26:36 | 論到恁所剩的人，我欲互𪜶佇對敵的地心驚到昏去。樹葉互風吹振動的聲，追趕𪜶；𪜶欲逃閃，那親像逃閃刀劍的，無人追趕伊，也欲跋倒。 |
| 26:37 | 無人追趕的時，𪜶欲大家相夾跋倒，親像佇刀劍的頭前。恁佇對敵的面前也徛𣍐住。 |
| 26:38 | 恁欲滅無佇列邦中；對敵的地欲吞食恁。 |
| 26:39 | 恁所剩的人欲佇對敵的地因為家己的罪來消無，也因為祖公的罪及𪜶平平消無。 |
| 26:40 | 「𪜶欲認家己的罪及𪜶祖公的罪，就是𪜶所干犯我的罪，閣認家己行代誌反對我， |
| 26:41 | 所以我行代誌反對𪜶，帶𪜶到對敵的地。彼時，𪜶無受割禮的心若有謙卑，甘願受罪的刑罰， |
| 26:42 | 我欲記念我及雅各所立的約，我欲記念我及以撒所立的約，我及亞伯拉罕所立的約，我也欲記念此個地。 |
| 26:43 | 彼個地互𪜶離開，得著享受伊的安息佇伊拋荒，𪜶無佇啲的時。閣𪜶甘願受罪的刑罰；因為𪜶棄拺我的法度，心內厭惡我的律例。 |
| 26:44 | 雖然按呢，𪜶佇對敵的地的時，我猶久無棄拺𪜶，也無厭惡𪜶，來一盡滅𪜶，致到背我及𪜶所立的約，因為我是耶和華──𪜶的上帝。 |
| 26:45 | 我也欲為著𪜶的緣故記念我及𪜶的祖公所立的約。就是我佇異邦人的面前、導𪜶出埃及地的，欲做𪜶的上帝者。我是耶和華。」 |
| 26:46 | 諸個律例、法度，教示就是耶和華佇伊本身及以色列人的中間佇西奈山託摩西所立的。 |
