走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 10:1 | 兄弟啊，我的心所意愛，所替𪜶對上帝求的，就是𪜶的得救。 |
|---|---|
| 10:2 | 因為我為著𪜶做干證，𪜶向上帝有熱心，總是無照真的智識； |
| 10:3 | 因為𪜶呣識上帝的義，愛立家己的義，就無降服上帝的義。 |
| 10:4 | 因為基督做律法的結尾，致到義歸佇見若信的人。 |
| 10:5 | 因為摩西寫講：「人行彼個對律法的義的，欲對伊來活。」 |
| 10:6 | 若是對信的義是親像按呢講：「你莫得心內講：是誰欲上天啊？（就是欲導基督落來；） |
| 10:7 | 抑是是誰欲落深淵啊？（就是欲導基督對死人中起來。）」 |
| 10:8 | 伊到底講甚麼啊？是講：言語是近佇你，是佇你的嘴，佇你的心。（就是阮所傳此個信的言語。） |
| 10:9 | 就是你若用嘴認耶穌做主，用心信上帝互伊對死人中起來，就會得著救。 |
| 10:10 | 因為人用心信，致到得著義；用嘴認，致到得著救。 |
| 10:11 | 聖經講：「見若信靠伊的人不致見誚。」 |
| 10:12 | 因為猶太希利尼攏無分別，像一個主是眾人的主，款待攏總求伊的人極其富裕。 |
| 10:13 | 因為「見若求叫主的名的人，欲得著救。」 |
| 10:14 | 總是，𪜶所猶未信的，豈可會求叫伊？所未聽見的，豈可會信伊？若無人傳，豈可會聽見？ |
| 10:15 | 若呣是奉差，豈可會傳？照所記載講：「傳諸個好事的福音者，𪜶的腳步娞到怎樣！」 |
| 10:16 | 總是𪜶呣是攏順趁福音，因為以賽亞講：「主啊，阮所傳的，有是誰信啊？」 |
| 10:17 | 按呢信是出佇聽，聽是對基督的言語。 |
| 10:18 | 獨獨我講，𪜶豈未曾聽見嗎？有啦。𪜶的聲音傳到遍天下，𪜶的言語到地極。 |
| 10:19 | 若是我講，以色列人豈未知嗎？起頭摩西講：我欲用呣是做百姓的，來激恁的奮志；用戇的百姓來激恁的受氣。 |
| 10:20 | 以賽亞也好膽講：未曾尋我的，我互𪜶抵著，未曾請問我的，我對𪜶顯明。 |
| 10:21 | 若是論到以色列，伊就講：「我通日伸手，向呣順趁及辯駁的百姓。」 |
