走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 9:1 | 我𫢶佇基督講話真實無白賊，我的良心佇聖神及我相及做干證： |
|---|---|
| 9:2 | 我有大憂悶，痛心無息； |
| 9:3 | 因為我為著我的兄弟，我的骨肉的至親，就若本身受咒詛，離開基督也甘願。 |
| 9:4 | 𪜶是以色列人；有做子的名份、有榮光，有諸個約、有律法的傳授、有服事的禮儀，及諸個應允攏屬佇𪜶。 |
| 9:5 | 列祖是𪜶的祖，照肉體來論，基督也對𪜶出。伊是萬物的頂面，是上帝堪得謳咾到代代的。阿們！ |
| 9:6 | 呣是講上帝的話廢去。因為對以色列出的無一盡是以色列人， |
| 9:7 | 也呣是因為𪜶做亞伯拉罕的後裔就一盡做子；獨獨「佇以撒的欲稱做你的後裔。」 |
| 9:8 | 這就是講，呣是肉體的子就算做上帝的子，獨獨應允的子才算做後裔。 |
| 9:9 | 因為應允的話是講：「照此個期我欲到，撒拉欲有一個子。」 |
| 9:10 | 呣若按呢，閣有利百加，對咱的祖以撒一人來懷孕，（ |
| 9:11 | 子猶未出世，好歹猶未行，欲互上帝揀選人所定著的旨意會久長佇啲，呣是出佇所行，是出佇召伊者。） |
| 9:12 | 就給利百加講：「大的欲服事細的。」 |
| 9:13 | 親像所記載講：「我疼雅各；怨恨以掃。」 |
| 9:14 | 按呢咱欲怎樣講？上帝有不義嗎？斷斷呣是！ |
| 9:15 | 因為伊給摩西講：我欲憐憫我所憐憫的，我欲體貼我所體貼的。 |
| 9:16 | 照按呢看，不在佇意愛的，也不在佇行的，是在佇憐憫人的上帝。 |
| 9:17 | 因為聖經給法老講：「我互你興起，刁持欲用你顯明我的權能，也互我的名報揚佇普天下。」 |
| 9:18 | 按呢，伊隨意憐憫人，也隨意互人硬心。 |
| 9:19 | 你欲對我講：「怎樣伊猶啲嫌人？因為是誰逆伊的旨意？」 |
| 9:20 | 你此個人啊，你是誰反轉辯駁上帝啊？受造的物豈會對造伊的講：「你啥事創造我按呢？」 |
| 9:21 | 土的權豈呣是出在燒磁的人，平平對彼塊來做器具，一個貴氣一個下賤嗎？ |
| 9:22 | 設使上帝愛顯明伊的受氣，閣互人識伊的權能，就大大寬容吞愞許個通受氣的器具，便便欲敗壞的； |
| 9:23 | 也互人識伊榮光的富有到佇通憐憫的器具，伊所代先備辦欲得著榮光的。 |
| 9:24 | 就是咱諸個互伊所召的，呣若出佇猶太人，也出佇外邦人； |
| 9:25 | 親像伊佇何西阿的冊講：呣是我的百姓，我欲稱𪜶做「百姓」；呣是得著疼的，我欲稱𪜶做「得著疼的」。 |
| 9:26 | 前佇啥所在給𪜶講：恁呣是我的百姓，佇遐𪜶欲稱做「真活上帝的子」。 |
| 9:27 | 以賽亞論以色列就叫講：「以色列諸個子，雖然𪜶的數額親像海沙，欲得著救的是許個所剩的若定； |
| 9:28 | 因為主欲完全閣簡捷來成伊的話佇地裡。」 |
| 9:29 | 閣親像以賽亞代先講：若呣是萬軍的主給咱留一個種啲，就咱已經親像所多瑪及蛾摩拉一樣。 |
| 9:30 | 按呢，咱欲怎樣講？外邦人無追jip義，猶久得著義，就是對信的義。 |
| 9:31 | 若是以色列人追jip成義的法，也無得著彼個法。 |
| 9:32 | 這是怎樣？因為𪜶無對信，是對所行，𪜶著觸佇彼個互人著觸的石， |
| 9:33 | 照所記載講：你看，我將互人著觸的石，跋倒人的石磐下佇郇城；見若信伊的人無致到見誚。 |
