走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
目的：繼續說明主耶穌升天後怎樣差派聖靈引導使徒接續衪在地上的工作建立教會。
| 1:1 | 提阿非羅啊，我已經將耶穌對起頭所行所教示的， |
|---|---|
| 1:2 | 直到伊託仗聖神命令所揀的使徒了後，受接接上天的日，逐項記載佇前的冊。 |
| 1:3 | 伊受害了後，曾用多多憑據，佇四十日的中間，出現互使徒看見，來顯明伊家己是活，續講論上帝國的事。 |
| 1:4 | 伊及𪜶聚集的時，命令𪜶，講：「呣通離開耶路撒冷，著聽候父所應允的，就是恁曾對我聽見的。 |
| 1:5 | 因為約翰用水行洗禮，獨獨恁閣無幾日，欲佇聖神受洗。」 |
| 1:6 | 按呢𪜶聚集的時，問伊講：「主啊，你佇此時欲將國復倒互以色列嗎？」 |
| 1:7 | 伊就給𪜶講：「父所下佇伊家己權內的時及期，呣是恁所通知。 |
| 1:8 | 獨獨聖神臨到恁的時，恁欲得著才能，閣佇耶路撒冷、遍猶太，及撒瑪利亞，直到地極，欲做我的干證。」 |
| 1:9 | 諸個話講了，𪜶啲看的時，耶穌受舉起上天，有雲接接伊，𪜶就看𣍐見。 |
| 1:10 | 伊去的時，𪜶向天注目看，忽然有二人穿白衫，徛佇身邊， |
| 1:11 | 講：「加利利人啊，啥事徛啲看天？此個耶穌離別恁受接接上天，恁看伊按呢上天，伊亦欲照按呢來。」 |
| 1:12 | 彼時𪜶對彼個名叫橄欖的山，倒去耶路撒冷，此個山近耶路撒冷，相離開有安息日的路站。 |
| 1:13 | 已經入，就上𪜶所住的樓頂；有彼得、約翰、雅各、安得烈、腓力、及多馬、巴多羅買、及馬太、亞勒腓的子雅各，及西羅底的西門，及雅各的子猶大。 |
| 1:14 | 諸個人及幾若個婦仁人以及耶穌的老母馬利亞，參伊的兄弟，攏同心專務祈禱。 |
| 1:15 | 當時，同聚集的眾人，約略一百二十名，彼得佇兄弟中徛起來， |
| 1:16 | 講：「兄弟啊，聖神借大衛的嘴，所讖語導人掠耶穌的猶大的，此個聖經應驗是應該。 |
| 1:17 | 因為伊曾及阮同列，閣佇此個工亦有份。 |
| 1:18 | 今此人用伊行不義所得著的工錢來買園，身軀仆落來，腹肚爆裂，腸仔攏流出。 |
| 1:19 | 𫢶佇耶路撒冷的人攏知，所以照𪜶的腔口叫彼區園做亞革大馬，就是「血園」。 |
| 1:20 | 因為詩篇記載，講：互伊的厝拋荒，無人佇遐徛；閣講：伊監督的職互別人擔當。 |
| 1:21 | 所以，主耶穌佇咱中間出入的時， |
| 1:22 | 對約翰行洗禮起，到耶穌離別咱受接接的日，所有常常及阮做伴的人，佇𪜶中間著有一個及阮相及做伊復活的干證。」 |
| 1:23 | 對按呢舉二人，就是約瑟叫做巴撒巴，亦名猶士都，閣一個是馬提亞。 |
| 1:24 | 就祈禱講：「主啊，你是識眾人的心的，佇此二人中，指明叨落一人是你所揀的， |
| 1:25 | 來有份佇此個工及使徒的職。就是猶大所離開，欲去伊家己的所在的。」 |
| 1:26 | 對按呢給𪜶拈鬮，拈著馬提亞；伊就及十一個使徒同列。 |
- 本章節結束 -
下一章