走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 7:1 | 祭司頭就講：「諸個事是按呢嗎？」司提反講：「列位父兄請聽！ |
|---|---|
| 7:2 | 咱的祖亞伯拉罕猶佇米所波大米未徛起哈蘭的時，榮光的上帝對伊顯現， |
| 7:3 | 給伊講：『離開你的地方及宗族，到我所欲指示你的地方。』 |
| 7:4 | 彼時伊就出迦勒底人的地方，徛起佇哈蘭。伊的老父死了後，上帝對遐給伊徙到此所在就是恁今所徛起的。 |
| 7:5 | 佇遮並無產業互伊，連徛腳的所在也無；彼時伊猶未有子。若是上帝應允欲用此所在互伊做業續到伊的後裔。 |
| 7:6 | 總是上帝有按呢講：『伊的後裔啲欲出外佇異邦，人欲用𪜶做奴才，歹款待𪜶四百年久。』 |
| 7:7 | 上帝閣講：『𪜶做奴才所服事的國，我欲審判伊。後來𪜶欲出來，服事我佇此位。』 |
| 7:8 | 閣用割禮的約互伊。對按呢伊生以撒，第八日給伊行割禮。以撒生雅各；雅各生咱十二個祖。 |
| 7:9 | 「列祖怨妒約瑟，賣伊去埃及；若是上帝及伊佇啲， |
| 7:10 | 救伊脫離攏總的苦難，互伊佇埃及王法老的面前得著恩典及智慧。法老就立伊總理埃及國及伊的全家。 |
| 7:11 | 抵著埃及、迦南遍地飢荒，大艱苦，咱的列祖尋無米糧。 |
| 7:12 | 雅各聽見埃及有五穀，就頭一擺差咱的列祖去。 |
| 7:13 | 到第二擺約瑟互兄弟識伊，約瑟的族法老續得著知。 |
| 7:14 | 約瑟就差人搬請老父雅各及全族七十五人來。 |
| 7:15 | 雅各就落去埃及，伊及咱的列祖死佇遐； |
| 7:16 | 運棺到示劍，埋葬佇亞伯拉罕用銀對哈抹的子孫所買佇示劍的墓地。 |
| 7:17 | 「到上帝對亞伯拉罕用咒誓所應允的彼個期已經近，百姓就生湠興旺佇埃及， |
| 7:18 | 到別個王呣識約瑟的起來管理埃及。 |
| 7:19 | 伊謀害咱的族，歹款待咱的祖，命令著棄拺𪜶的嬰仔，互𪜶𣍐活。 |
| 7:20 | 彼時，摩西出世，非常的清秀，養飼佇老父的家三月日。 |
| 7:21 | 受棄拺的時，法老的查某子拾去，養飼做家己的子。 |
| 7:22 | 摩西學習埃及人攏總的學問，講話行代誌攏有才能。 |
| 7:23 | 「將近四十歲，想欲去看伊的兄弟以色列的子孫； |
| 7:24 | 看見一人受冤枉，就保護伊，替受屈的人伸冤，拍埃及人。 |
| 7:25 | 拍算兄弟會曉悟上帝用伊的手救𪜶；若是𪜶𣍐曉悟。 |
| 7:26 | 隔日，抵當𪜶啲相拍，愛互𪜶復和，就講：『恁是兄弟，啥事相欺負？』 |
| 7:27 | 彼個欺負厝邊的人拒絕伊，講：『是誰設立你做官府做審判司來治理阮啊？ |
| 7:28 | 你愛欲害死我，親像昨日害死彼個埃及人嗎？』 |
| 7:29 | 摩西因為此句話就走，出外佇米甸的地方；佇遐生二個子。 |
| 7:30 | 「過四十年，佇西奈山的曠野，莿帕火焰的中間，有天使對伊顯現。 |
| 7:31 | 摩西看了，奇怪所看見的，抵仔近倚欲認真看，就有主的聲講： |
| 7:32 | 『我就是你的列祖的上帝，就是亞伯拉罕、以撒、雅各的上帝。』摩西愕愕惙，呣敢認真看。 |
| 7:33 | 主給伊講：『你的鞋著褪起來，因為你所徛的位是聖地。 |
| 7:34 | 我的百姓佇埃及，我實在看見𪜶的困苦，亦聽見𪜶的吐氣，就降臨來救𪜶。今你來！我欲差你去埃及。』 |
| 7:35 | 此個摩西就是𪜶所拒絕的講『是誰設立你做官府做審判司啊？』此個人，上帝託莿帕來對伊所顯現的天使，差伊做官府、做救贖的。 |
| 7:36 | 此個人導𪜶出，行奇事神蹟佇埃及、紅海，及曠野四十年久。 |
| 7:37 | 此個人就是彼個給以色列子孫講的摩西，講『上帝欲對恁兄弟的中間為著恁逞生一個先知親像我』。 |
| 7:38 | 此個人就是彼個佇曠野裡的會中及佇西奈山，對伊講話的天使，以及列祖相及佇啲的，伊亦得著活的詔命傳互咱。 |
| 7:39 | 咱的列祖呣愛順趁伊，反轉拒絕伊，心倒轉佇埃及， |
| 7:40 | 給亞倫講：『你著給阮造神明，做頭導阮；因為此個導阮出埃及的摩西，呣知伊怎樣。』 |
| 7:41 | 彼時，𪜶就造牛仔，閣獻祭佇彼個像，歡喜𪜶家己的手所做的。 |
| 7:42 | 上帝就越輪轉，出在𪜶服事天象，親像先知的冊所記載講：以色列家啊，恁佇曠野歷過四十年，豈曾用牲禮祭物獻互我嗎？ |
| 7:43 | 恁扛摩洛的布棚及理番神的星，就是恁所造來拜的像。我欲遷徙恁佇巴比倫外。 |
| 7:44 | 「咱列祖佇曠野，有證據的會幕，親像對摩西講的吩咐著照所看見的款式來造伊。 |
| 7:45 | 後來上帝趕逐外邦人，佇咱的祖的面前，咱的祖及約書亞既然承接此個會幕，就帶伊入去𫢶佇彼個地方，直到大衛的時。 |
| 7:46 | 伊得著恩典佇上帝的面前，愛欲給雅各的上帝尋一個徛起的位； |
| 7:47 | 獨獨所羅門才給伊起厝。 |
| 7:48 | 總是至高者無𫢶佇人的手所起的，親像先知講： |
| 7:49 | 主講，天是我的座位，地是我的腳踏椅；恁欲給我起甚麼號的厝？抑是我安息的所在佇叨落啊？ |
| 7:50 | 諸個一切豈呣是我的手所創造的嗎？ |
| 7:51 | 「恁的頷頸硬、心及耳未受割禮的人，常常悖逆聖神！恁的祖按呢，恁也按呢。 |
| 7:52 | 先知中叨落一個無互恁的祖窘逐伊啊？許個讖語義者啲欲到的人，𪜶也害死𪜶；今此個義的恁曾送交，來害死伊。 |
| 7:53 | 對天使來設的律法，恁受著，也無守伊。」 |
| 7:54 | 𪜶聽見諸個話，心內盡在受氣，向伊咬牙切齒。 |
| 7:55 | 獨獨司提反互聖神充滿，注目看天，看見上帝的榮光，耶穌徛佇上帝的大旁， |
| 7:56 | 就講：「看啊！我看見天開，人子徛佇上帝的大旁。」 |
| 7:57 | 𪜶大聲喉叫，掩耳孔，同心挨夾伊， |
| 7:58 | 趕伊出城，用石頭擲伊。做干證的人將𪜶的衫下佇少年人名叫掃羅的腳前。 |
| 7:59 | 𪜶用石頭擲司提反，司提反求講：「主耶穌啊，接納我的神！」 |
| 7:60 | 閣跪落去大聲叫講：「主啊！莫得用此個罪歸佇𪜶！」講息，就睏。掃羅也歡喜伊死。 |
