走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 22:1 | 「列位父兄啊，我今對恁家己分訴，請恁聽。」 |
|---|---|
| 22:2 | 𪜶聽見伊用希伯來的腔口對𪜶講，就閣卡安靜。 |
| 22:3 | 保羅講：「我就是猶太人，出世佇基利家的大數，長成佇此個城，做迦瑪列的學生，照咱祖宗律法的嚴謹來受教示，為著上帝來熱心，親像今仔日恁眾人一樣。 |
| 22:4 | 我曾窘逐趁此個路的人，互伊死，無論男女攏縳𪜶送落監。 |
| 22:5 | 祭司頭及長老的全會通做我的干證。我亦對𪜶得著寄互兄弟的批，去大馬色，欲縛𫢶佇遐的人拖到耶路撒冷，受刑罰。」 |
| 22:6 | 「行近大馬色，彼時約略日中晝，忽然對天有大光圍纍照我。 |
| 22:7 | 我就仆佇地裡，聽見有聲對我講：『掃羅！掃羅！啥事窘逐我？』 |
| 22:8 | 我應講：『主啊，你是是誰？』伊應我講：『我就是拿撒勒的耶穌，你所窘逐的。』 |
| 22:9 | 及我佇啲的人看見彼個光，無聽見給我講者的聲。 |
| 22:10 | 我講：『主啊，我著怎樣做？』主給我講：『起來，入大馬色，凡所定著你行的，佇遐欲給你講。』 |
| 22:11 | 我因為彼個光的燦爛就𣍐看見，互相及佇啲的人牽入大馬色。 |
| 22:12 | 有一人，名叫亞拿尼亞，照律法是敬虔的人，互𫢶佇遐的眾猶太人所謳咾。 |
| 22:13 | 伊就近我，來徛佇身邊，給我講：『兄弟掃羅，你通閣看。』 |
| 22:14 | 我即時抬目看伊。閣講：『咱列祖的上帝已經定著你來知伊的旨意，看彼個義的，閣聽伊的嘴所出的聲。 |
| 22:15 | 因為你欲將所看見，所聽見的，為著伊做干證佇眾人。 |
| 22:16 | 今啥事延迁啊？起來，求伊的名來受洗禮，洗除你的罪。』」 |
| 22:17 | 「後來，我倒轉到耶路撒冷，佇殿裡祈禱的時，神遊佇象外， |
| 22:18 | 看見伊對我講：『你著趕緊出耶路撒冷，因為你為著我所干證的，許個人啲欲呣接納。』 |
| 22:19 | 我講：『主啊，𪜶攏知我平素佇逐個會堂將信你的人關監，閣拍𪜶。 |
| 22:20 | 閣做你的干證的司提反流血的時，我亦徛倚同歡喜；閣顧害死伊的人的衫。』 |
| 22:21 | 主給我講：『去啊！我欲差你去遠遠就近外邦人。』」 |
| 22:22 | 𪜶聽到此句話，就大聲講：「此號人，著對地裡除去！伊呣應該活。」 |
| 22:23 | 眾人嘩嘩嚷，褪衫，拂土粉佇空中。 |
| 22:24 | 千總就命令帶保羅入營盤，用鞭拍來審問伊，愛知為著甚麼緣故眾人按呢嚷伊。 |
| 22:25 | 抵仔用皮帶縛伊，保羅對邊仔啲徛的百總講：「做羅馬人，未定罪，恁拍伊，通嗎？」 |
| 22:26 | 百總聽見，就去給千總講：「你欲怎樣做？因為此個是羅馬人。」 |
| 22:27 | 千總就近來對伊講：「給我講，你是羅馬人抑呣是？」伊講：「是。」 |
| 22:28 | 千總應講：「我用多多銀買入此個籍。」保羅講：「我出世就是。」 |
| 22:29 | 對按呢欲拍問伊的人就連鞭離開伊。千總既然知伊是羅馬人，因為曾縳伊，亦真驚。 |
| 22:30 | 隔日，愛知保羅互猶太人告的實情，就給伊解開，命令諸個祭司頭及全公會聚集，就帶保羅落來，互伊徛佇𪜶的面前。 |
