走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 19:1 | 亞波羅佇哥林多的時，保羅經過頂勢的地方，到以弗所；抵著幾若個學生， |
|---|---|
| 19:2 | 問𪜶講：「恁信的時曾受著聖神無？」應講：「連有聖神的賞賜抑無，阮亦未曾聽見。」 |
| 19:3 | 講：「按呢，就恁受洗禮來歸佇甚麼啊？」𪜶就講：「約翰的洗禮。」 |
| 19:4 | 保羅講：「約翰行反悔的洗禮，給百姓講著信隨尾伊來的，就是耶穌。」 |
| 19:5 | 許個人聽見，就受洗禮歸佇主耶穌的名。 |
| 19:6 | 保羅給𪜶按手，聖神就到佇𪜶，𪜶隨時講諸個腔口，及先知的話。 |
| 19:7 | 共約略十二人。 |
| 19:8 | 保羅入會堂，好膽來講，歷過三月日久，用上帝國的事，來辯論苦勸。 |
| 19:9 | 若是有幾若人硬心呣順趁，當眾人的面前誹謗此個路，保羅就離開𪜶，亦互學生及𪜶相離，就佇推喇奴的學堂日日辯論。 |
| 19:10 | 親像按呢二年久，致到𫢶佇亞西亞的人，無論猶太、希利尼，攏聽見主的道理。 |
| 19:11 | 上帝用保羅的手行罕得有的權能； |
| 19:12 | 甚至有人對伊的身軀提手巾抑是圍身裙下佇病人的身上，𪜶的病就退去，惡神亦出去。 |
| 19:13 | 總是有幾若個四界行、唸咒趕鬼的猶太人，對許個互惡神上身的人自專叫主耶穌的名，講：「我倚靠保羅所傳的耶穌命令你出去！」 |
| 19:14 | 有猶太的祭司頭士基瓦七個子，亦行此個代誌。 |
| 19:15 | 惡神應講：「耶穌我知伊，保羅我亦識伊。若是恁是是誰啊？」 |
| 19:16 | 惡神上身的人就跳佇𪜶身上，贏𪜶二人，壓制𪜶，致到𪜶褪腹裼受傷，走出彼間厝。 |
| 19:17 | 徛起以弗所的猶太人、希利尼人，攏知，無呣驚惶；主耶穌的名就大榮顯。 |
| 19:18 | 已經信的人，多多到，明明認閣講起𪜶的所行。 |
| 19:19 | 平素行法術的，亦有多多人將𪜶的冊聚集，下佇眾人的面前來燒。算𪜶的價錢，就知達銀五萬。 |
| 19:20 | 主的道理大大興旺得勝，有親像按呢。 |
| 19:21 | 諸個事已經明白，保羅定著意思經過馬其頓、亞該亞，才欲去耶路撒冷；講：「到遐了後，我亦著去看羅馬。」 |
| 19:22 | 就差跟隨伊的從中二人提摩太、以拉都去馬其頓，本身暫時住亞西亞。 |
| 19:23 | 當時，為著主的路有起大擾動。 |
| 19:24 | 因為有銀匠，名底米丟，平素做亞底米的銀龕，伊互做此號工的人趁錢無少。 |
| 19:25 | 就聚集𪜶以及趁此號食的人，講：「大家，恁知咱倚靠此個手藝來趁錢。 |
| 19:26 | 今此個保羅呣若佇以弗所，也差不多遍亞西亞，用伊的勸勉來迷惑多多人，講：『手所妝的，呣是神明。』這是恁所看見所聽見的。 |
| 19:27 | 親像按呢，呣若咱此號工業危險互人看輕，就大女神亞底米的廟亦欲互人目底無，閣遍亞西亞及天下所拜的亞底米欲失伊的威風。」 |
| 19:28 | 𪜶聽見，就大受氣，叫講：「大啊！以弗所人的亞底米！」 |
| 19:29 | 通城擾亂。已經掠保羅同行的馬其頓人該猶及亞里達古，就同心夾入戲園。 |
| 19:30 | 保羅心想愛入去見百姓，學生呣准。 |
| 19:31 | 猶有亞西亞幾個頭目，是保羅的朋友，差人勸伊莫得冒險入戲園。 |
| 19:32 | 會眾紛亂，一人喝一款；大半呣知是因為啥事來聚集。 |
| 19:33 | 有人牽亞歷山大出眾人的中間，猶太人亦舉伊進前，亞歷山大搖手，愛對百姓分訴； |
| 19:34 | 眾人知伊是猶太人，就同聲叫講：「大啊！以弗所人的亞底米！」親像按呢約量一時久。 |
| 19:35 | 書記官已經互眾人安靜，就講：「以弗所人啊！是誰呣知以弗所人的城就是顧守大亞底米的殿及對宙斯所降落的像啊？ |
| 19:36 | 諸個事已經𣍐辯駁得，恁眾人著靜靜，呣通衝莽。 |
| 19:37 | 何況諸個人呣是偷提廟內的物，亦呣是謗瀆咱的女神的，恁竟然帶𪜶到遮。 |
| 19:38 | 若底米丟以及許個倚伊的師傅及人有代誌，就有聽相告的日期，亦有總督大家通對訊。 |
| 19:39 | 恁若問別物事，通佇合例的會來擬斷。 |
| 19:40 | 是因為今仔日無緣故的擾亂，驚了咱𣍐免得受查問。閣亦無話通解此個集會的因由。」 |
| 19:41 | 講息，就散會。 |
