走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 8:1 | 彼日，佇耶路撒冷的教會抵著大窘逐，使徒以外，攏四散佇猶太、撒瑪利亞諸個地方。 |
|---|---|
| 8:2 | 有敬虔的人埋葬司提反，為著伊搥胸大啼哭。 |
| 8:3 | 掃羅大陷害教會，入逐人的家，拖𪜶的男女送交落監。 |
| 8:4 | 對按呢許個四散的人遍行傳福音的道理。 |
| 8:5 | 腓利落去撒瑪利亞的城，用基督傳互𪜶。 |
| 8:6 | 眾人聽見，閣看見所行的神蹟，就同心意向腓利的話。 |
| 8:7 | 因為多多人有患著邪神，許個邪神大聲喉叫，出去；半旞的、跛腳的，亦多多得著醫好。 |
| 8:8 | 彼個城內大歡喜。 |
| 8:9 | 總是有一人，名叫西門，平素佇城內行邪術，自誇做大，互撒瑪利亞的百姓卬愕； |
| 8:10 | 對細到大無呣意向伊，講：「此人是上帝的權能就是彼個稱做大者。」 |
| 8:11 | 𪜶意向伊的緣故，是因為伊久久用邪術，互𪜶卬愕。 |
| 8:12 | 到𪜶信腓利所傳的福音，論上帝的國及耶穌基督的名，就有男女受洗禮。 |
| 8:13 | 西門家己也信；已經受洗禮，常常跟隨腓利，看伊所行諸個神蹟大權能，就卬愕。 |
| 8:14 | 佇耶路撒冷的使徒聽見撒瑪利亞已經接納上帝的道理，就差彼得、約翰去𪜶遐。 |
| 8:15 | 𪜶已經落去，就替𪜶祈禱，互𪜶受聖神。 |
| 8:16 | 因為聖神猶未臨到𪜶一人，𪜶只有受洗禮歸佇主耶穌的名若定。 |
| 8:17 | 對按呢給𪜶按手，𪜶就受聖神。 |
| 8:18 | 總是西門看見對使徒的按手，就有聖神互人，才將錢獻互𪜶， |
| 8:19 | 講：「亦將此個權互我，致到我的手所按的人受著聖神。」 |
| 8:20 | 獨獨彼得對伊講：「你的銀及你相及滅無！因為你拍算上帝的賞賜欲用錢來買。 |
| 8:21 | 你佇此個事無份無干涉；因為佇上帝的面前，你的心不正。 |
| 8:22 | 所以著反悔離開你此個歹，來求主，豈採你心內的念頭會得赦免。 |
| 8:23 | 因為我看見你入佇苦膽的中間，互不義捆縛。」 |
| 8:24 | 西門應講：「恁替我求主，互恁所講的攏無到佇我。」 |
| 8:25 | 𪜶已經做干證來傳主的道理，就倒去耶路撒冷佇撒瑪利亞人多多的鄉社傳福音。 |
| 8:26 | 主的天使對腓利講：「起來！對南勢去，到對耶路撒冷落去迦薩的路。」遐就是曠野。 |
| 8:27 | 就起來去，抵當有一個埃提阿伯人，就是埃提阿伯女王甘大基有權的太監，總管伊的銀庫，伊已經到耶路撒冷敬拜。 |
| 8:28 | 倒轉來，坐佇車裡，啲讀先知以賽亞的冊。 |
| 8:29 | 聖神給腓利講：「進前去！近倚彼張車。」 |
| 8:30 | 腓利走去就近伊，聽見伊啲讀先知以賽亞的冊，就講：「你所讀的，你會明白嗎？」 |
| 8:31 | 伊講：「無人指示我，豈可會？」就請腓利上車，相及坐。 |
| 8:32 | 所讀的聖經就是此段：伊互人牽，親像羊到受刣的所在，伊無開嘴；親像羊仔對剪毛的無出聲。 |
| 8:33 | 伊卑微的時，受無公義的審判。伊的世代是誰欲傳述？因為伊的活命對地上受奪去。 |
| 8:34 | 太監應腓利講：「請問，先知講此個話是指甚麼人？是指本身？抑是別人啊？」 |
| 8:35 | 腓利就開嘴對此個聖經起，用耶穌傳互伊。 |
| 8:36 | 行路的時，到有水的位，太監講：「你看，遮有水，我受洗禮有甚麼阻礙？」 |
| 8:37 | 古卷｛腓利說：「你若是一心相信，就可以。」他回答說：「我信耶穌是基督，是上帝的兒子。」 |
| 8:38 | 就吩咐停車，腓利及太監二人落水，腓利就給伊行洗禮。 |
| 8:39 | 對水裡上來的時，主的神帶腓利去，太監無閣看見伊，因為做伊上路，也真歡喜。 |
| 8:40 | 後來腓利佇亞鎖都互人抵著；就遍行諸個城傳福音，直到該撒利亞。 |
