走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 28:1 | 阮已經得著救，就知彼個海嶼名叫米利大。 |
|---|---|
| 28:2 | 番人用罕得有的仁愛款待阮；因為落雨，閣寒，𪜶就起火，接納阮眾人。 |
| 28:3 | 保羅拾柴一把，下佇火裡，有毒蛇，因為火熱𧽵出來，咬住佇伊的手。 |
| 28:4 | 番人看見毒物住佇伊的手，就相及講：「此個人的確是兇手，雖罔海裡得著救，天理𣍐容允伊活。」 |
| 28:5 | 保羅拂毒物佇火裡，攏無受傷。 |
| 28:6 | 番人聽候伊腫，抑是忽然死跋倒；聽候久久，看見伊無代誌，就反轉，拍算講：「伊是神明。」 |
| 28:7 | 海嶼的頭人，名部百流，有田園近佇遐；伊接納阮，三日久好禮相款待。 |
| 28:8 | 抵著部百流的老父有熱病及做痢倒啲。保羅入去就近伊，祈禱，給伊按手，醫好伊。 |
| 28:9 | 對按呢，海嶼中其餘的破病人亦來，得著醫好。 |
| 28:10 | 𪜶也用多多禮數尊敬阮；開船的時，將所欠用的送到船裡。 |
| 28:11 | 過三月日，阮搭亞歷山大的船起身；彼隻船號做「宙斯的雙生子」，是佇一個海嶼過冬天的。 |
| 28:12 | 到敘拉古拋啲，阮𫢶遐三日； |
| 28:13 | 對遐踅到利基翁。過一日，南風起，第二日到部丟利。 |
| 28:14 | 佇遐抵著兄弟，請阮相及𫢶七日。就到羅馬。 |
| 28:15 | 羅馬的兄弟聽見阮的消息，就對遐來到亞比烏市及三館的所在，接接阮。保羅看見𪜶，感謝上帝，就壯膽。 |
| 28:16 | 已經入羅馬，准保羅及一個看守伊的兵另外住。 |
| 28:17 | 過三日，保羅請猶太人的序大來相會。已經聚集，就對𪜶講：「兄弟啊，我雖然未曾犯著咱的百姓抑是列祖的規例，若是對耶路撒冷受縳，送交羅馬人的手。 |
| 28:18 | 𪜶已經審判我，看我無死罪，就愛放我。 |
| 28:19 | 獨獨猶太人反對，我不得已，對該撒告御狀，攏呣是有因端欲告我的百姓。 |
| 28:20 | 因為按呢，才請恁來相見，相及議論，是我為著以色列所向望的，才受此個鎖鍊捆縳。」 |
| 28:21 | 𪜶對伊講：「阮未曾對猶太接著批講到你的事，也未有甚麼兄弟到遮通報抑是講你有甚麼歹。 |
| 28:22 | 獨獨阮愛聽你的意見怎樣；因為此個黨，阮知逐所在互人嫌。」 |
| 28:23 | 𪜶已經及伊定著日期，多多人就近伊佇伊歇的厝。保羅對早起到下昏，排列來證明上帝的國，引摩西的律法及諸個先知，用耶穌的事苦勸𪜶。 |
| 28:24 | 伊所講的，有的信，有的呣信。 |
| 28:25 | 二旁𣍐相合，就四散；保羅代先講一句話，講：「聖神用先知以賽亞的嘴給恁的列祖所講的話是真著。 |
| 28:26 | 去給此個百姓講：恁聽是欲聽，也攏𣍐曉悟；恁看是欲看，也看攏𣍐見； |
| 28:27 | 因為此個百姓心鈍，耳孔重，目睭放瞌；驚了𪜶用目睭看見，用耳孔聽見，用心曉悟，來越輪轉，我就醫好𪜶。 |
| 28:28 | 所以恁著知，上帝此個拯救，已經施行外邦，𪜶亦欲聽受。」 |
| 28:29 | ｛保羅說了這話，猶太人議論紛紛的就走了。〔台語羅馬譯本無此節！〕｝ |
| 28:30 | 保羅徛家己稅的厝二年久。凡若入來見伊的，伊攏接納𪜶， |
| 28:31 | 傳上帝的國，將主耶穌基督的代誌真好膽教示人，無人禁伊。 |
- 本章節結束 -
上一章