台語聖經

線上台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

使徒行傳第11章

章節快速選擇 :

上下篇聖經查閱：約翰福音羅馬書回到目錄

11:1	使徒及𫢶佇猶太的兄弟聽外邦人亦受上帝的道理。
11:2	到彼得上耶路撒冷的時，許個奉割禮的人及伊爭辯講：
11:3	「你曾入去就近無受割禮的人及𪜶相及食。」
11:4	若是彼得照次序對𪜶排列講：
11:5	「我佇約帕城祈禱，神魂遊佇象外的時，看見異象，有一個器具，親像大幅布，縛四個角頭，對天墜落，到我的面前。
11:6	我注目看，詳細想伊，看見有地上四腳的精牲，野獸、蟲𧒴，及天中的飛鳥。
11:7	閣聽見有聲給我講：『彼得，起來，刣來食！』
11:8	我講：『主啊，斷斷呣通，因為凡若粗俗的物抑是無清氣的攏未曾入我的嘴。』
11:9	若是聲第二擺，對天應講：『上帝所互伊清氣的，你莫得掠做粗俗。』
11:10	親像按呢三擺，逐項物就閣收上天。
11:11	忽然，有三人對該撒利亞差來就近我的，抵抵徛佇阮所𫢶的厝外。
11:12	聖神給我講著及𪜶去，莫得分別。閣有此六個兄弟及我去，阮攏入彼人的厝。
11:13	伊就給阮講，按怎樣曾看見一個天使徛佇伊的厝，對伊講：『著差人到約帕，請西門稱做彼得的來，
11:14	伊欲用話給你講，你及你全家對諸個話欲得著救。』
11:15	我抵抵啲講的時，聖神降臨佇𪜶，親像起頭佇咱一樣。
11:16	我就記得主的話講：『約翰是用水行洗禮，獨獨恁欲佇聖神受洗。』
11:17	今上帝既然用此個恩賜互𪜶，親像佇咱信主耶穌基督的時所互咱的一樣；我是是誰，會阻擋上帝啊？」
11:18	許個人聽這話，就靜靜，亦歸榮光上帝，講：「按呢生，是上帝亦互外邦人反悔，來得著活命。」
11:19	為著司提反的事所生起的苦難來四散的人遍行到腓尼基、居比路、安提阿；無對別人講道理，只有對猶太人講若定。
11:20	若是其中有居比路、古利奈幾若人到安提阿，亦對希利尼人傳主耶穌的福音。
11:21	主的手及𪜶佇啲，信來歸佇主的，𪜶的數額不止多。
11:22	論到諸個人有消息傳到耶路撒冷互教會聽見，𪜶就差巴拿巴，去安提阿。
11:23	已經到，看見上帝的恩就歡喜，苦勸眾人，用心志，結聯佇主。
11:24	因為伊是好人，有聖神及信滿滿。對按呢加添多多人歸佇主。
11:25	伊去大數尋掃羅，
11:26	已經抵著，就導伊到安提阿。𪜶佇教會中聚集一年久，教示多多人。閣學生稱做「基督徒」是對安提阿起。
11:27	當彼時，有幾若個先知對耶路撒冷落去到安提阿。
11:28	其中一人，名亞迦布，起來徛，靠聖神來指明普天下欲大飢荒（當克勞丟的年間果然有此個事。）
11:29	對按呢學生定著意思逐人照伊的力量，寄去供給𫢶猶太的兄弟。
11:30	𪜶就照按呢行，對巴拿巴及掃羅經手寄交許個長老。

- 本章節結束 -

聯繫資訊

線上台語聖經

台語聖經

使徒行傳第11章

快速導航

相關資訊

聯絡麥穗田

聯繫資訊

線上台語聖經

台語聖經

使徒行傳 第11章

使徒行傳第11章