走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 3:1 | 按呢就猶太人有甚麼見長？割禮有甚麼利益啊？ |
|---|---|
| 3:2 | 無論看叨落一面，攏大大有利益：第一是上帝的詔有交託𪜶。 |
| 3:3 | 設使有的無信，就怎樣？𪜶的無信欲廢無上帝的信實嗎？ |
| 3:4 | 斷斷呣是！著認上帝做真實，人攏做白賊。照所記載講：互你佇你所講的，稱做義；佇受審判的時，得著卡贏。 |
| 3:5 | 我今趁人的款來講，咱的不義若顯明上帝的義，咱欲怎樣講？上帝降落受氣，伊也不義嗎？ |
| 3:6 | 斷斷呣是！若按呢，上帝豈可會審判世間啊？ |
| 3:7 | 若我的白賊益發顯明上帝的真實，互伊愈榮光，就我怎樣猶原受審判，親像罪人啊？ |
| 3:8 | 也啥事無講，咱來去做歹互好事會成？這是親像阮所受的誹謗，也親像人講阮有按呢啲講。彼號人受定罪是公道。 |
| 3:9 | 這是怎樣？咱有卡輸嗎？攏無！因為阮已經證明猶太希利尼攏有罪。 |
| 3:10 | 照所記載講：攏無義人，連一個也無； |
| 3:11 | 無人曉悟；無人尋上帝； |
| 3:12 | 攏總歪斜，相同變做無利益。無有行好的，連半個也無。 |
| 3:13 | 𪜶的嚨喉是破墓；𪜶用舌講奸詐，𪜶的嘴唇下有蛇的毒， |
| 3:14 | 𪜶的嘴滿滿咒詛也真苦。 |
| 3:15 | 𪜶的腳緊緊走愛互人流血， |
| 3:16 | 佇𪜶的路有殘害及苦難。 |
| 3:17 | 平安的路，𪜶呣識， |
| 3:18 | 𪜶的目睭前無有驚畏上帝。 |
| 3:19 | 今咱知見若律法所講的是對律法下的人來講，欲塞密眾人的嘴，互通世間佇上帝的面前受擬罪。 |
| 3:20 | 因為對趁律法無人會得稱做義佇上帝的面前，因為對律法是互人知有罪。 |
| 3:21 | 今佇律法以外有上帝的義已經顯明，律法及先知給伊做干證： |
| 3:22 | 就是上帝的義，對信耶穌基督到佇攏總信的人，因為攏無增差。 |
| 3:23 | 因為眾人已經犯罪，上帝的榮光得無著； |
| 3:24 | 今為著伊的恩典白白得著稱做義，對佇基督耶穌的贖回。 |
| 3:25 | 就是上帝所顯然設立做挽回的祭的，對信，在佇伊的血，欲顯明伊家己的義；因為上帝有寬容，無歸咎前代的罪， |
| 3:26 | 佇現今的時代愛顯明伊的義，互伊本身做義，閣稱彼個信耶穌的人做義。 |
| 3:27 | 按呢生佇叨落通誇口？全然無啦。對甚麼法互伊無？對行的法嗎？呣是，是對信的法。 |
| 3:28 | 所以阮議定：人稱做義是對信，呣是對趁律法。 |
| 3:29 | 抑是上帝獨獨是猶太人的上帝嗎？豈也呣是外邦人的上帝嗎？是，也是外邦人的。 |
| 3:30 | 因為上帝是一個，伊欲用信稱受割禮的人做義，也欲對此個信稱無受割禮的人做義。 |
| 3:31 | 按呢，就咱對信廢無律法嗎？斷斷呣是！反轉是互律法徛在。 |
