走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 14:1 | 信軟茈的人，恁著接納伊，呣是欲辯論所僥疑的。 |
|---|---|
| 14:2 | 有人信百項物攏通食；獨獨信軟茈的，是食菜蔬。 |
| 14:3 | 食者莫得看輕無食者；無食者莫得擬議食者；因為上帝已經接納伊。 |
| 14:4 | 你是是誰啲擬議別人的奴僕啊？伊徛在，抑是跋倒，自然有伊的主人佇啲；若是伊欲徛在，因為主會互伊徛在。 |
| 14:5 | 有人擬斷此日贏彼日；有人擬斷日日攏相同。逐人心內著認徛真。 |
| 14:6 | 守日者是為著主來守；食者為著主來食，因為伊感謝上帝；無食者也為著主來無食，也感謝上帝。 |
| 14:7 | 因為咱無人為著家己來活，也無人為著家己來死。 |
| 14:8 | 因為咱若活，是為著主來活；死，也是為著主來死。所以，咱或是活或是死攏屬佇主。 |
| 14:9 | 因為基督所以死來復活，是欲做活者死者的主。 |
| 14:10 | 今你啥事擬議你的兄弟？也你啥事看輕你的兄弟？因為咱眾人攏欲徛佇上帝公座前。 |
| 14:11 | 因為有記載講：主講：我既然是活者：萬腳頭窩欲跪我；萬嘴舌欲謳咾上帝。 |
| 14:12 | 按呢，咱逐人欲排列家己的事佇上帝的面前。 |
| 14:13 | 所以，咱莫得閣相擬議，恁寧可著定著意思莫得用互人跋倒抑是塞礙的物下佇兄弟的面前。 |
| 14:14 | 我知，也佇主耶穌深信，物本無一項是粗俗；獨獨人若掠甚麼做粗俗，就彼項物佇彼人是做粗俗。 |
| 14:15 | 總是若為著食物的事互你的兄弟憂悶，就你呣是照仁愛來行。基督替伊死的，你呣通用你的所食來敗壞伊。 |
| 14:16 | 莫得致到你的好互人誹謗； |
| 14:17 | 因為上帝的國不在飲食，是義，及平安，及佇聖神的歡喜。 |
| 14:18 | 用按呢來服事基督的，互上帝所歡喜，互人所謳咾。 |
| 14:19 | 所以，見若致到和平大家相建立的事，咱著專務。 |
| 14:20 | 莫得因為食的緣故毀壞上帝的工。逐項物卻是清氣，若是對食致到跋倒的，就是歹。 |
| 14:21 | 無食肉，無飲酒，無做甚麼互兄弟跋倒，才是好。 |
| 14:22 | 你所有的信，著家己存佇上帝的面前。人無家己擬議佇伊所認做著的，就有福氣。 |
| 14:23 | 獨獨人若僥疑也來食，就受定罪，因為呣是出佇信。見若呣是對信出的就是罪。 |
