台語聖經

線上台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

羅馬書第11章

章節快速選擇 :

上下篇聖經查閱：使徒行傳哥林多前書回到目錄

11:1	我就講，上帝豈有棄拺伊的百姓啊？斷斷呣是。因為我也是以色列人，出佇亞伯拉罕的後裔，便雅憫的支派。
11:2	上帝未曾棄拺伊所代先知的百姓。抑是恁呣知聖經佇以利亞彼站所記載啊？伊有怎樣對上帝告以色列人講：
11:3	「主啊，𪜶有刣死你的先知，掘倒你諸個祭壇，只有留我佇啲，𪜶也欲揲我的生命。」
11:4	總是上帝有應伊怎樣啊？是講：「我為著家己有留七千人，未曾跪拜巴力的。」
11:5	現今也按呢猶有所留啲，就是照恩典來揀選的。
11:6	總是若照恩典，就無閣對所行；若無，就恩典呣是恩典。
11:7	按呢就怎樣？以色列所求的，伊竟然無得著，獨獨受揀的有得著；其餘的就變硬心。
11:8	照所記載講：上帝互𪜶昏迷的心，𣍐見的目睭，𣍐聽見的耳孔，到佇今仔日。
11:9	大衛也講：互𪜶的筵桌成做活罩，做羅網，做塞礙，做報應佇𪜶。
11:10	互𪜶的目睭花，𣍐會看見，𪜶的尻脊常常痀痀。
11:11	按呢我就講，𪜶已經著觸，是致到𪜶跋倒嗎？斷斷呣是！反轉對𪜶的犯罪，拯救就到佇外邦，欲激起𪜶的奮志。
11:12	今𪜶的犯罪，若做世間的富有，𪜶的衰退若做外邦的富有，何況𪜶的充滿？
11:13	我是對恁外邦人講；因為我是外邦人的使徒，我榮光我的職，
11:14	看會通激起我的骨肉親的奮志，來救𪜶中間幾若人
11:15	因為𪜶的受棄拺，若做世間的復和；就𪜶的受接納，呣是對死來活是甚麼啊？
11:16	起頭獻的麵若是聖，就歸甑也是聖；根若是聖，就枝也是聖。
11:17	諸個枝若有的遏起來，也你本是山橄欖得著接佇𪜶中間，相及份佇橄欖的根及肥汁，
11:18	你就呣通對枝來誇口；你若誇口，就呣是根倚靠你，是你倚靠根。
11:19	按呢你欲講，枝遏起來欲互我接落來。
11:20	著！𪜶對呣信才遏起來，你對信才徛住；心莫得自高，著驚惶。
11:21	因為上帝若無保惜順性的枝，也欲無保惜你。
11:22	著看上帝的慈悲及嚴謹，款待許個跋倒的是嚴謹，若是款待你是上帝的慈悲；總是你著長長𫢶佇伊的慈悲，若無，也欲給你割起來。
11:23	閣𪜶若呣是長長𫢶佇呣信，也欲得著接，因為上帝會閣接𪜶。
11:24	因為你若對彼個順性做山橄欖的既然割起來，逆性來接佇好的橄欖，何況許個順性的枝欲接佇本舊的橄欖啊！
11:25	兄弟啊，我呣愛恁呣知此個奧妙（免得恁家己掠做智慧），就是以色列中有的成做硬心，聽候外邦滿滿進入，
11:26	按呢通以色列欲攏得救，照所記載講：欲有救主對郇城出，解除雅各的不虔；
11:27	閣我除去𪜶的罪的時，這就是我及𪜶所立的約。
11:28	照福音，就𪜶為著恁來做仇讎；照揀選，就𪜶為著列祖來得著疼。
11:29	因為上帝的恩賜及召人攏無退悔。
11:30	是親像恁前無順服上帝，若是今對𪜶的無順服，恁得著憐憫。
11:31	按呢𪜶今無順服，通對恁的得著憐憫，互𪜶亦得著憐憫。
11:32	因為上帝已經圍萬人佇無順服的中間，刁持欲憐憫萬人。
11:33	深沈啊！上帝的智慧及見識的富有啊！伊的判斷𣍐測𢜬得！伊的路途追尋𣍐著！
11:34	是誰知主的心志？是誰及伊參議？
11:35	是誰代先互伊，致到互伊報答？
11:36	因為萬物攏出佇伊，倚靠伊，歸佇伊。願伊榮光到代代。阿們。

- 本章節結束 -

聯繫資訊

線上台語聖經

台語聖經

羅馬書第11章

快速導航

相關資訊

聯絡麥穗田

聯繫資訊

線上台語聖經

台語聖經

羅馬書 第11章

羅馬書第11章