台語聖經

線上台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

羅馬書第2章

章節快速選擇 :

上下篇聖經查閱：使徒行傳哥林多前書回到目錄

2:1	所以見若擬斷人的人啊，你無通推託。因為你所擬斷別人的，抵抵是擬定家己；因為你啲擬斷人，家己也按呢行。
2:2	若是咱知，上帝是照真理來擬斷行按呢的人。
2:3	你此號人啊，人行按呢你擬斷伊，也你家己去行，你拍算會逃閃上帝的擬斷嗎？
2:4	抑是看輕伊極大的仁慈、寬容、吞愞，呣知卻上帝的仁慈是欲導你反悔？
2:5	竟然照你的硬心及呣反悔的心，為家己積聚受氣佇受氣的日，就是上帝義的審判顯明的日。
2:6	伊欲照逐人的所行來報應伊。
2:7	見若綿賴行好、求榮光、尊貴，及𣍐敗壞的，將永活報伊；
2:8	見若結黨、無趁真理來趁不義的，就有怨恨及受氣。
2:9	患難及困苦到佇攏總行歹的人，代先猶太，後來希利尼；
2:10	也榮光、尊貴、平安到佇攏總行好的人，代先猶太，後來希利尼。
2:11	因為上帝無照外貌取人。
2:12	因為見若無律法來犯罪的，也欲無律法來沈淪；見若佇律法來犯罪的，欲對律法受審判。（
2:13	因為佇上帝的面前，呣是聽律法的做義，就是行律法的欲稱做義。
2:14	因為無律法的外邦人對本性來行律法的時，𪜶雖然無律法，是家己做家己的律法。
2:15	是顯明律法的功用刻佇𪜶的心，𪜶的良心相及做干證，𪜶的念頭有時相責備，有時相寬恕）。
2:16	佇上帝用耶穌基督審判人隱密的事彼日，照我的福音所講。
2:17	你若稱做猶太人，倚靠律法，掠上帝來做誇口；
2:18	已經對律法來學習，知伊的旨意，閣驗出許個至好的；
2:19	閣深信家己是做睛暝人的導路的，𫢶佇黑暗者的光，
2:20	戇人的先生，囝仔的教習，佇律法內有智識及真理的模樣。
2:21	你教示別人，也無教示家己啊？你宣傳講呣通偷提，也家己偷提啊？
2:22	你講呣通行淫，也家己姦淫啊？你厭惡偶像，也家己搶宮廟啊？
2:23	你掠律法做誇口，就對犯著律法、凌辱上帝啊？
2:24	因為上帝的名為著恁受謗瀆佇外邦中，照所記載的。
2:25	你若行律法，割禮就有利益；你若犯著律法，就你的割禮變做無割禮。
2:26	所以無受割禮的，若守律法的規例，伊的無割禮，豈無欲算做割禮嗎？
2:27	閣生成無割禮來盡律法的，豈無欲擬斷你對文字及割禮來犯法嗎？
2:28	因為外皮做猶太人的，呣是猶太人；佇肉體外皮的割禮，呣是割禮。
2:29	獨獨內面做猶太人的才是猶太人；也心內的割禮才是割禮，在佇神，不在佇文字。伊的得著謳咾呣是對人，就是對上帝。

- 本章節結束 -

聯繫資訊

線上台語聖經

台語聖經

羅馬書第2章

快速導航

相關資訊

聯絡麥穗田

聯繫資訊

線上台語聖經

台語聖經

羅馬書 第2章

羅馬書第2章