走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 17:1 | 大衛踮佇伊的宮內，大衛對先知拿單講：「看啊，我踮佇柏香柴的宮內，總是耶和華的約櫃佇帳房內。」 |
|---|---|
| 17:2 | 拿單給大衛講：「見若佇你心內所想的通行伊，因為上帝及你佇啲。」 |
| 17:3 | 彼暝，上帝的話臨到拿單，講： |
| 17:4 | 「你去給我的奴僕大衛講，耶和華按呢講：『你𣍐得通起厝互我踮。 |
| 17:5 | 因為對我導以色列上來的日到今仔日，我未曾徛起厝內，是對此個布棚到彼個布棚，對此個帳房到彼個帳房。 |
| 17:6 | 見若我及以色列人所到的所在，佇我所吩咐照顧我的百姓以色列的士師中，我豈曾對𪜶一人講：你啥事無給我起柏香柴的厝啊？』 |
| 17:7 | 今你著去給我的奴僕大衛講，萬軍的耶和華按呢講：『我曾佇羊對你啲顧羊來召你，做我的百姓以色列的人君。 |
| 17:8 | 見若你所曾去的所在，我常常及你佇啲，佇你的面前剿滅你攏總的對敵；我欲互你大出名，親像地上諸個偉人的名聲。 |
| 17:9 | 閣我欲給我的百姓以色列定著一個所在，來栽培𪜶，互𪜶徛起家己的所在，無閣遷徙；兇惡的人也無親像起頭陷害𪜶， |
| 17:10 | 亦無親像我命令士師治理我的百姓以色列的時一樣。我欲互你的對敵攏降服，閣我給你講，耶和華欲給你建立一個家。 |
| 17:11 | 到你的日子滿足倒去你的列祖遐，我欲互你的後裔續接你的位，我也欲堅固伊的國位。 |
| 17:12 | 伊欲給我起厝；我欲堅固伊的座位到永遠。 |
| 17:13 | 我欲做伊的父，伊欲做我的子；我無欲互我的慈愛離開伊，親像我前互伊離開彼個你以上的王。 |
| 17:14 | 我也欲永遠堅固伊佇我的家佇我的國；伊的座位也欲堅固到永遠。』」 |
| 17:15 | 拿單就照諸個話，諸個默示，去給大衛講。 |
| 17:16 | 大衛王就入去，坐佇耶和華的面前，講：「耶和華上帝啊，我是甚麼人，我是甚麼號的家，你才導我到此個地步啊？ |
| 17:17 | 上帝啊，你看此個，猶掠做小可，因為你閣論到你的奴僕的家到佇久長。耶和華上帝啊，你款待我親像尊貴的人的地位。 |
| 17:18 | 大衛猶有甚麼話通對你講？到你的奴僕所得著的尊貴？因為你知你的奴僕。 |
| 17:19 | 耶和華啊，因為你的奴僕的緣故，閣照你的心意，你有行此個大事，閣顯出諸個大事。 |
| 17:20 | 耶和華啊，照我的耳孔所聽見的，無一個親像你，你以外無別個上帝。 |
| 17:21 | 地上有叨落一國親像你的百姓以色列？就是上帝早日去救贖伊做家己的百姓，互你對極大閣通驚的事得著名，因為趕逐列國離開你的百姓，就是你所救贖出埃及者的面前。 |
| 17:22 | 因為你互你的百姓以色列做你的百姓，直到永遠；耶和華啊，你也做𪜶的上帝。 |
| 17:23 | 耶和華啊，今你所論到你的奴僕及伊的家的話，願伊堅固，到永遠，求你照你所講來行。 |
| 17:24 | 願你的名永遠堅固，受尊做大，講：『萬軍的耶和華是以色列的上帝，是做以色列的上帝。』你的奴僕大衛的家欲佇你的面前堅固。 |
| 17:25 | 我的上帝啊，因為你有啟示你的奴僕知，你欲給伊建立一個家，所以你的奴僕好膽佇你的面前祈禱。 |
| 17:26 | 耶和華啊，只有你是上帝，你用此個福氣應允你的奴僕。 |
| 17:27 | 今你歡喜賜福你的奴僕的家，互伊永遠佇你的面前。耶和華啊，因為你已經賜福，的確永遠得著福氣。」 |
