走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 23:1 | 大衛年老，日子滿足，就設立伊的子所羅門做以色列王。 |
|---|---|
| 23:2 | 大衛聚集以色列的眾首領及諸個祭司以及利未人。 |
| 23:3 | 利未人對三十歲以上者攏過算，照所算查甫人的額數共三萬八千； |
| 23:4 | 其中二萬四千人管理耶和華殿的工，有六千人做職員及士師。 |
| 23:5 | 有四千人做顧門者，閣四千人將我大衛所做用啲謳咾的樂器謳咾耶和華。 |
| 23:6 | 大衛照利未的子革順、哥轄、米拉利來分𪜶的子孫的班列。 |
| 23:7 | 屬革順的人拉但及示每。 |
| 23:8 | 拉但的子大的是耶悅，閣有細坦及約珥，共三人。 |
| 23:9 | 示每的子示羅密、哈設、哈蘭共三人。這是拉坦族的族長。 |
| 23:10 | 示每的子雅哈、細拿、耶烏施、比利亞此四人就是示每的子。 |
| 23:11 | 雅哈是大子，第二個細撒。獨獨耶烏施、比利亞的子孫無偌多，所以算做一族。 |
| 23:12 | 哥轄的子是暗蘭、以斯哈、希伯倫、烏設共四人。 |
| 23:13 | 暗蘭的子亞倫、摩西。亞倫及伊的子孫是分別到佇永遠，來分別至聖的物做聖，佇耶和華的面前燒香，來服事伊，奉伊的名祝福，到佇永遠。 |
| 23:14 | 論到上帝的奴僕摩西，伊的子名字記佇利未的支派中。 |
| 23:15 | 摩西的子是革舜及以利以謝。 |
| 23:16 | 革舜的子大的是細布業； |
| 23:17 | 以利以謝的子利哈比雅是大的。以利以謝無別個子，總是利哈比雅的子真多。 |
| 23:18 | 以斯哈的子大的示羅密。 |
| 23:19 | 希伯倫的子大的耶利雅，第二個是亞瑪利亞，第三個是雅哈悉，第四是耶加面。 |
| 23:20 | 烏設的子大的是米迦，第二個是耶西雅。 |
| 23:21 | 米拉利的子抹利、某示。抹利的子以利亞撒、基士。 |
| 23:22 | 以利亞撒死，無子，只有查某子，𪜶的兄弟基士的子娶𪜶。 |
| 23:23 | 某示的子是末力、以得、耶利摩共三人。 |
| 23:24 | 頂面所記攏是利未的子孫，照𪜶老父的家來做族長，為耶和華的厝來做差用的工，逐人對二十歲以上受算，攏照𪜶的名的數額來計算。 |
| 23:25 | 因為大衛講：「耶和華──以色列的上帝已經互伊的百姓平安，閣伊永遠踮佇耶路撒冷。 |
| 23:26 | 利未人也呣免閣扛會幕及其中所用攏總的器具。」 |
| 23:27 | 因為照大衛臨終的時所吩咐的，利未人對二十歲以上攏受算。 |
| 23:28 | 因為伊的職是跟隨亞倫的子孫，來做耶和華殿的工，就是佇諸個院及諸個房來做工，亦互諸個聖物清氣，來做耶和華殿的工， |
| 23:29 | 料理排列的餅，素祭的麵粉，或是無酵的薄餅，及鼎內所煏，以及調和的物，閣管理秤量的事； |
| 23:30 | 逐早起，徛啲來感謝謳咾耶和華，逐下昏也是按呢， |
| 23:31 | 閣佇安息日、月的初一，及節期，獻諸個燒祭互耶和華，照物的數額，照所定著的例，常常獻佇耶和華的面前； |
| 23:32 | 閣互伊顧守會幕的責成，及聖所的責成，以及伊的兄弟亞倫的子孫所互伊做的責成，來服事佇耶和華的厝。 |
