走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 22:1 | 大衛講：「這是耶和華上帝的厝，此個是以色列燒祭的壇。」 |
|---|---|
| 22:2 | 大衛命令聚集徛起以色列地的出外人，閣派拍石的師傅拍石，愛欲起上帝的殿。 |
| 22:3 | 大衛備辦鐵真多做門扇的釘及相連的路用，閣備辦銅真多，到𣍐秤得； |
| 22:4 | 亦備辦𣍐算得的柏香柴，因為西頓人及推羅人載多多柏香柴到大衛遐。 |
| 22:5 | 大衛講：「我的子所羅門猶久細漢閣軟茈，欲給耶和華起的殿著真娞到極，互伊名聲榮光到佇萬國，所以我今著給伊備辦。」大衛就佇未死的代先備辦多多材料。 |
| 22:6 | 大衛就叫伊的子所羅門來，吩咐伊著給以色列的上帝起殿， |
| 22:7 | 給所羅門講：「我的子啊，我心內本想欲為耶和華──我的上帝的名起殿， |
| 22:8 | 總是耶和華的話臨到我講：『你流多多人的血，大大交戰，你𣍐得通為我的名起殿，因為你佇我的目睭前互多多人的血流佇地裡。 |
| 22:9 | 看啊，你欲生一個子，伊欲做太平的人；我欲互伊太平，互四圍諸個對敵無攪擾伊。伊的名欲叫所羅門。佇伊坐位的日，我欲賞賜安靜和平互以色列。 |
| 22:10 | 伊欲為我的名起殿。伊欲做我的子；我欲做伊的父。我欲堅固伊的國位，佇以色列到永遠。』 |
| 22:11 | 我的子啊，今願耶和華及你佇啲，互你亨通，起你的上帝──耶和華的殿，照伊所論到你者。 |
| 22:12 | 獨獨願耶和華賞賜你聰明智慧，互你治理以色列，來遵趁耶和華──你的上帝的律法。 |
| 22:13 | 你若謹慎遵趁耶和華所命令摩西教示以色列諸個律例法度，就你欲亨通。你著奮志好膽，莫得驚，莫得愞。 |
| 22:14 | 我佇困苦中為耶和華的殿備辦金十萬他連得，銀一百萬他連得，銅及鐵重到𣍐秤得，因為真多；我也有備辦柴及石，你通閣加添伊。 |
| 22:15 | 閣你也有多多師傅、拍石者、做木者，及逐號工程師，通做逐號的工。 |
| 22:16 | 金銀銅鐵多到𣍐算得。你著起來做，願耶和華及你佇啲。」 |
| 22:17 | 大衛閣吩咐以色列的眾首領幫助伊的子所羅門，講： |
| 22:18 | 「耶和華──恁的上帝豈無及恁佇啲嗎？豈無佇四圍賞賜恁平安嗎？因為伊已經將此個地徛起的百姓交佇我的手，此個地就降服佇耶和華及伊的百姓的面前。 |
| 22:19 | 今恁著定著恁的心恁的意思，尋耶和華──恁的上帝；亦著起來起造耶和華上帝的聖所，通將耶和華的約櫃及上帝聖的器具搬入為耶和華的名所欲起的殿。」 |
