走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 28:1 | 大衛招集以色列的首領各支派的首領及輪班服事王的軍長，千總、百總、掌管王及王的子的產業精牲者，及太監，以及大權能的，及大權能的勇士，攏到耶路撒冷。 |
|---|---|
| 28:2 | 大衛王就徛起來，講：「我的兄弟，我的百姓啊，恁著聽我的話，我的心本想欲為著耶和華的約櫃，閣為著咱的上帝的腳踏椅；起殿來安置伊；我已經備辦欲起。 |
| 28:3 | 總是上帝對我講：『你𣍐得通為我的名起殿；因為你是戰士，有互人流血。』 |
| 28:4 | 呣拘，耶和華──以色列的上帝佇我的父全家揀我做以色列王，直到永遠。因為伊揀猶大做首領；佇猶大的支派中揀我的父的家，佇我的父的眾子中歡喜我，設立我做以色列眾人的王。 |
| 28:5 | 耶和華賞賜我多多子，佇我的子的中間揀我的子所羅門佇耶和華的國坐位，治理以色列。 |
| 28:6 | 伊閣對我講：『你的子所羅門欲起我的殿我的院；因為我揀伊做我的子，我也欲做伊的父。 |
| 28:7 | 伊若久長遵趁我的誡命法度親像今仔日，我就欲堅固伊的國位，直到永遠。』 |
| 28:8 | 今佇耶和華的會，以色列眾人的面前，咱的上帝也聽見。恁著查考恁的上帝──耶和華的誡命，來執守伊，按呢恁通享受此個好的地，留互恁後代的子孫，永遠做業。 |
| 28:9 | 「我的子所羅門阿，你著認識你的父的上帝，誠實心歡喜服事伊；因為耶和華鑑察眾人的心，知攏總的心思念頭。你若尋伊，伊欲互你抵著；你若放拺伊，伊欲永遠拒絕你。 |
| 28:10 | 你著謹慎，因為耶和華揀你起厝做聖所。你著勇敢去做。」 |
| 28:11 | 大衛將殿堂的兩廊、房間、府庫、樓閣、內殿，及施恩所彼間一切的圖樣交伊的子所羅門， |
| 28:12 | 閣用對神所得著一切的圖樣，就是耶和華殿的院、四周的房、上帝殿的府庫，及聖物的府庫諸個圖樣攏交伊； |
| 28:13 | 閣指示伊祭司及利未人的班列及耶和華殿內服事的工，以及耶和華殿內服事的器具， |
| 28:14 | 閣秤金互伊做逐樣應用的金器，亦秤銀互伊做逐樣應用的銀器， |
| 28:15 | 就是諸個金燈台及伊的盞，就秤金來做逐個燈台及伊的盞，閣用做銀燈台的銀來秤互伊，伊的燈台及伊的盞攏是按呢，照逐個燈台的路用； |
| 28:16 | 閣秤金互伊來做排列餅的桌，亦秤銀來做銀的桌， |
| 28:17 | 閣用好金互伊做肉叉、盤、杯，閣秤金互伊通做逐個金碗，秤銀互伊做逐個銀碗， |
| 28:18 | 閣秤好金互伊通做香壇，亦用金做𠼻𡀔兵車的款式；𪜶展開翅，遮蓋耶和華的約櫃。 |
| 28:19 | 大衛講：「頂面諸個規模攏是我得著耶和華默示寫出來的。」 |
| 28:20 | 大衛閣給伊的子所羅門講：「你著勇敢壯膽去做！莫得愞，亦莫得驚。因為耶和華上帝就是我的上帝，及你佇啲；伊的確無離開你，亦無放拺你，直到耶和華殿的工攏明白。 |
| 28:21 | 看啊，有祭司及利未人的逐班，為著欲辦理上帝殿逐項的事，閣有奇巧的人佇逐項的工歡喜幫助你；亦有諸個首領及眾百姓一心聽趁你的命令。」 |
