台語聖經

線上台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

歷代志上第9章

章節快速選擇 :

上下篇聖經查閱：列王紀下歷代志下回到目錄

9:1	按呢以色列人照𪜶的世系所算，看啊，有記載佇以色列列王的記錄。猶大人因為犯罪就受掠到巴比倫。
9:2	代先徛起伊的業的逐個城的人，就是以色列人、祭司、利未人、尼提寧人。
9:3	徛起佇耶路撒冷的有猶大人、便雅憫人、以法蓮，及瑪拿西的人。
9:4	猶大的子法勒斯的子孫中有烏太。烏太是亞米忽的子；亞米忽是暗利的子；暗利是音利的子；音利是巴尼的子。
9:5	示羅的子孫中有大子亞帥雅及伊的眾子。
9:6	謝拉的子孫中有耶烏利及伊的兄弟，共六百九十人。
9:7	便雅憫的子孫中有撒路，撒路是米書蘭的子，米書蘭是何達威雅的子，何達威雅是哈西努的子，
9:8	閣有耶羅罕的子伊比尼雅、米基立的孫、烏西的子以拉，伊比尼雅的曾孫、流珥的孫、示法提雅的子米書蘭，
9:9	及𪜶的兄弟，照𪜶的世系共九百五十六人。諸個攏是照𪜶列祖的家來做族長。
9:10	屬祭司的有耶大雅、耶何雅立、雅斤，
9:11	猶有管理上帝的殿者，希勒家的子亞薩利雅。希勒家是米書蘭的子；米書蘭是撒督的子；撒督是米拉約的子；米拉約是亞希突的子。
9:12	閣有瑪基雅的曾孫、巴施戶珥的孫、耶羅罕的子亞大雅，閣有亞第業的子瑪賽；亞第業是雅希細拉的子；雅希細拉是米書蘭的子；米書蘭是米實利密的子；米實利密是音麥的子。
9:13	𪜶及𪜶的兄弟攏做族長，共一千七百六十人，攏有才能𠢕做上帝的厝差用的工。
9:14	利未人米拉利的子孫中，有哈沙比雅的曾孫、押利甘的孫、哈述的子示瑪雅。
9:15	閣有拔巴甲、黑勒施、迦拉，及亞薩的曾孫、細基利的孫、米迦的子瑪探雅，
9:16	閣有耶杜頓的曾孫、迦拉的孫、示瑪雅的子俄巴底，閣有以利加拿的孫、亞撒的子比利家。𪜶攏徛起佇尼陀法人的鄉社。
9:17	顧門的是沙龍、亞谷、達們、亞希幔，及𪜶的兄弟；沙龍做𪜶的頭。
9:18	伊平素顧守向東的門王出入的，𪜶攏是利未族諸個營中顧門者。
9:19	可拉的曾孫、以比雅撒的孫、可利的子沙龍，及伊同族的兄弟可拉人攏管理差用的工，及守會幕的門。𪜶的祖曾管理耶和華的營盤，顧守出入的所在。
9:20	早以利亞撒的子非尼哈管理𪜶，耶和華也及伊佇啲。
9:21	米施利米雅的子撒迦利雅做會幕的顧門者。
9:22	受揀選來顧門者共二百十二人。𪜶佇𪜶的鄉社，照世系來算，是大衛及先見的撒母耳所分派來擔當此個責任者。
9:23	𪜶及𪜶的子孫照𪜶的班列顧守耶和華的厝，就是會幕許個門。
9:24	佇東西南北，四方攏有顧門者。
9:25	𪜶的兄弟踮佇鄉社者，每七日來及𪜶幫手。
9:26	因為諸個顧門的頭四個利未人，攏擔當𪜶的責任，來管理上帝厝內諸個棧房及府庫。
9:27	𪜶徛起佇上帝的厝的四圍，因為彼個厝是交代𪜶，逐早起啲開門的也是𪜶。
9:28	𪜶中間幾若人管理服事的器具，因為照數額帶入也照數額帶出；
9:29	其中也有的受設立來管理許個器具及聖所的器具，以及麵粉、酒、油、乳香、芳料。
9:30	祭司的子的中間幾若人用芳料做膏油。
9:31	利未人瑪他提雅是可拉族沙龍的大子，伊的責任是管理盤內所煏的物。
9:32	𪜶同族的兄弟歌轄的子，有的管理排列的餅，逐個安息日備辦伊。
9:33	諸個擔當唱歌的是利未人諸個族長，徛起佇殿邊的小厝，暝日當職，無做別項的工。
9:34	頂面諸個攏是利未人的族長佇𪜶的世代做出名，徛起佇耶路撒冷。
9:35	基遍的老父耶利徛起基遍。伊的某瑪迦；
9:36	伊的大子是亞伯頓。閣有蘇珥、基士、巴力、尼珥、拿答、
9:37	基多、亞希約、撒迦利雅、米基羅。
9:38	米基羅生示米暗。諸個人及𪜶的兄弟徛起佇耶路撒冷佇𪜶的兄弟的對面。
9:39	尼珥生基士；基士生掃羅；掃羅生約拿單、麥基舒亞、亞比拿達、伊施巴力。
9:40	約拿單的子是米力巴力；米力巴力生米迦。
9:41	米迦的子是毗敦、米勒、他利亞、亞哈斯。
9:42	亞哈斯生雅拉；雅拉生亞拉篾、亞斯瑪威、心利；心利生摩撒；
9:43	摩撒生比尼亞；比尼亞生利法雅；利法雅的子是以利亞撒；以利亞撒的子是亞悉。
9:44	亞悉有六個子，𪜶的名是亞斯利干、波基路、以實瑪利、示亞利雅、俄巴底雅、哈難。這攏是亞悉的子。

- 本章節結束 -

聯繫資訊

線上台語聖經

台語聖經

歷代志上第9章

快速導航

相關資訊

聯絡麥穗田

聯繫資訊

線上台語聖經

台語聖經

歷代志上 第9章

歷代志上第9章