走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 10:1 | 所羅門的箴言：智慧的子互老父歡喜；愚戇的子互老母憂悶。 |
|---|---|
| 10:2 | 不義的錢攏無利益；只有公義會救人脫離死無。 |
| 10:3 | 耶和華無互義人抵著枵餓；歹人所欣慕的，伊無互伊成。 |
| 10:4 | 手貧憚的，欲抵著喪鄉；手骨力的，欲得著好額。 |
| 10:5 | 夏天積聚的，是智慧的子；收割的時愛睏者，是卸敗的子。 |
| 10:6 | 福氣臨到義人的頭殼；強暴遮掩歹人的嘴。 |
| 10:7 | 義人的紀念受謳咾；歹人的名的確臭。 |
| 10:8 | 心內智慧的，欲聽受命令；嘴講戇話的，欲失敗。 |
| 10:9 | 行正直路的，行踏安穩；趁彎曲路的，欲露現。 |
| 10:10 | 徛目會意的，互人憂悶；嘴講戇話的，欲失敗。 |
| 10:11 | 義人的嘴是活命的水泉；強暴遮掩歹人的嘴。 |
| 10:12 | 怨恨會惹起相爭；仁愛會遮蓋攏總的過失。 |
| 10:13 | 佇明理的人嘴內尋著智慧；無知的人的尻脊有枴仔便便。 |
| 10:14 | 智慧的人積聚見識；戇人的嘴欲快快失敗。 |
| 10:15 | 好額人的財物是伊堅固的城；喪鄉人的欠缺是伊失敗的因端。 |
| 10:16 | 義人的著磨致到活；歹人所趁的致到有罪。 |
| 10:17 | 聽受勸戒者，是行佇活命的路；棄拺責備者，就是行迷路。 |
| 10:18 | 囥密伊的怨恨者，嘴講白賊；誹謗人者，是戇人。 |
| 10:19 | 厚話的人𣍐免有過失；約束嘴舌的是有智慧。 |
| 10:20 | 義人的舌親像紋銀；歹人的心無甚麼價值。 |
| 10:21 | 義人的嘴培養多多人；戇人因為無知來死。 |
| 10:22 | 耶和華的賜福互人好額，也無參憂悶佇內面。 |
| 10:23 | 愚戇的人掠行歹做滾笑；總是明理的人掠智慧做歡喜。 |
| 10:24 | 歹人所行的，欲臨到伊；義人所愛的，欲得著允准。 |
| 10:25 | 狂風一下過，歹人歸佇無；義人是永遠的地基。 |
| 10:26 | 人差貧憚的人，是親像嘴齒抵著醋，目睭抵著火薰。 |
| 10:27 | 敬畏耶和華就加添日子；總是歹人的年歲欲減少。 |
| 10:28 | 義人的向望是歡喜；歹人的欣慕是空空。 |
| 10:29 | 耶和華的路對佇正直的人做衛所，對佇行歹的人做毀滅。 |
| 10:30 | 義人永遠無移徙；歹人𣍐得著徛起佇地上。 |
| 10:31 | 義人的嘴生出智慧；乖謬的舌欲受割斷。 |
| 10:32 | 義人的嘴唇知通互人歡喜；歹人的嘴講乖謬的話。 |
