走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 4:1 | 恁諸個子啊，著聽老父的教示，著注意來得著明理。 |
|---|---|
| 4:2 | 因為我用好的道理互恁；呣通棄拺我的法度。 |
| 4:3 | 我是老父的子，佇老母的面前做伊第一疼的幼秀子。 |
| 4:4 | 老父教示我，給我講：你的心著記住我的話，遵守我的命令，就得著活。 |
| 4:5 | 著得著智慧，著得著聰明，呣通𣍐記得，呣通離開我所講的話。 |
| 4:6 | 呣通棄拺智慧，伊欲保護你；著疼伊，伊欲照顧你。 |
| 4:7 | 智慧是根本；著得著智慧。佇你一切所得著的中間，著得著聰明。 |
| 4:8 | 你若尊重伊，伊欲互你升高；你若戀慕伊，伊就互你榮光。 |
| 4:9 | 伊欲用娞的帽戴佇你的頭殼，將榮光的冕旒互你。 |
| 4:10 | 我的子，著聽來接納我的話，就欲食長歲壽。 |
| 4:11 | 我已經指示你智慧的路，引導你行正直的路徑。 |
| 4:12 | 你行的時，無致到阻礙；你走，亦無致到著觸。 |
| 4:13 | 著執守教示，呣通放鬆；著謹慎守伊，因為伊是你的活命。 |
| 4:14 | 兇惡的人的路莫得入；歹人的路莫得行。 |
| 4:15 | 著閃避伊，呣通對遐過；著越走離開伊進前去。 |
| 4:16 | 因為伊若無害人，就𣍐睏得；若無互人跋倒，就睏𣍐落眠； |
| 4:17 | 因為𪜶對兇惡得著食餅，對強暴得著飲酒。 |
| 4:18 | 獨獨義人的路親像透早的光，愈照愈光，到日中晝。 |
| 4:19 | 歹人的路親像黑暗，𪜶著觸呣知甚麼緣故。 |
| 4:20 | 我的子，著注意聽我的話，俯耳孔聽我所講的， |
| 4:21 | 呣通互伊離開你的目睭，著記住佇你的心內。 |
| 4:22 | 因為尋著伊的人，就得著活命，閣通身軀得著勇健。 |
| 4:23 | 你著盡力保守你的心，因為伊是活命的根源。 |
| 4:24 | 你的嘴著除去邪僻，你的嘴唇著離開橫逆。 |
| 4:25 | 你的目睭著看直直；你的目睭著看頭前。 |
| 4:26 | 著修平你的腳的路，著堅固你攏總的路途。 |
| 4:27 | 呣通偏左偏右；著互你的腳離開歹。 |
