走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 7:1 | 我的子，你著保守我的話，心內囥我的命令。 |
|---|---|
| 7:2 | 保守我的命令就得著活；保守我的教示，親像保守目睭仁， |
| 7:3 | 縛佇你的指頭仔，刻佇你的心碑。 |
| 7:4 | 著對智慧講：你是我的姊妹，著叫聰明做你的親人， |
| 7:5 | 伊會保護你閃避淫婦，閃避講諂媚話的妓女。 |
| 7:6 | 我曾徛佇我的厝的窗仔，對我的窗仔子看出去： |
| 7:7 | 看見愚戇人的內面，後生家的中間，明明看見有一個無知的少年人， |
| 7:8 | 對街路經過，近淫婦的厝角，行彼條透到伊的厝的路， |
| 7:9 | 佇黃昏，佇下昏，佇暝時的黑暗。 |
| 7:10 | 看啊，有一個婦仁人抵著伊，是妓女的打扮，有狡怪的心思。 |
| 7:11 | 此個婦仁人𠢕嚷，無受約束，伊的腳無住厝， |
| 7:12 | 有時佇街路裡，有時佇開闊的所在，有時佇逐個巷口啲當等， |
| 7:13 | 擒彼個少年人，及伊唚嘴，無見誚的面色對伊講： |
| 7:14 | 我遮有平安祭，今仔日有謝我的願。 |
| 7:15 | 所以，我出來迎接你，懇切尋見你的面，抵好抵著你。 |
| 7:16 | 我已經用徛花的毯仔及埃及的線所織的花鑆的布，舒佇我的眠床。 |
| 7:17 | 我閣用沒藥、沈香、肉桂，灑我的床。 |
| 7:18 | 來啊，咱通享受愛情到滿意，直到天光；咱通相及戀愛快樂。 |
| 7:19 | 因為查甫人無佇厝裡，出去行遠路； |
| 7:20 | 伊手帶銀袋，到月圓才倒來。 |
| 7:21 | 淫婦用多多奇巧的話引誘伊，用諂媚的嘴迫伊相及去。 |
| 7:22 | 伊連鞭隨伊去，親像牛牽去刣，閣親像戇人帶鎖鍊去受刑罰， |
| 7:23 | 到箭射入伊的肝，親像鳥仔緊緊入羅網，也呣知這是關係伊的生命。 |
| 7:24 | 諸個子啊，今著聽趁我，留心聽我所講的話。 |
| 7:25 | 你的心呣通意向伊的路，呣通迷佇伊的路。 |
| 7:26 | 因為，伊互多多人受傷倒落去；閣真多人互伊刣死。 |
| 7:27 | 伊的厝是做陰府的路，導到死無的厝宅。 |
