台語聖經

線上台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

箴言第6章

章節快速選擇 :

上下篇聖經查閱：詩篇傳道書回到目錄

6:1	我的子，你若為著厝邊做中保，替外人答應，
6:2	你就互嘴內的話罩著，互嘴內的話擒著。
6:3	我的子，你既然落佇厝邊的手中，今著按呢行，來救家己：你著謙卑，去懇求你的厝邊。
6:4	呣通互你的目睭睏去；呣通互你的目睭皮放瞌。
6:5	著救家己，親像鹿脫離拍獵的人的手，親像鳥脫離掠鳥仔的人的手。
6:6	貧憚的人啊，你著去看蚼蟻，想伊的行做通得著智慧。
6:7	伊無頭目，無監督，無序大，
6:8	猶久佇夏天備辦伊的食物，佇收割的時積聚伊的米糧。
6:9	貧憚人啊，你欲睏到底時啊？你甚麼時睏醒起來啊？
6:10	閣睏霎仔久，閣眠霎仔久，束手撐霎仔久，
6:11	你的喪鄉欲親像賊來，你的欠缺親像穿戰甲者來。
6:12	無下落的歹人，行做就用乖謬的嘴，
6:13	徛目會意，用腳比意思，用指頭仔指點，
6:14	心內乖僻，常常計謀歹事，四界唆弄冤家。
6:15	所以，伊的災禍忽然臨到；伊欲忽然敗壞，無法通醫治。
6:16	有六項是耶和華所怨恨，連伊的心所厭惡的有七項：
6:17	就是驕傲的目睭，講白賊的舌，手刣無罪的人，
6:18	心圖謀歹事，腳緊緊行陷害，
6:19	講白賊的假干證，佇兄弟中唆弄冤家的人。
6:20	我的子，著執守你的老父的命令；呣通棄拺你的老母的教示，
6:21	著常常記住佇你的心，掛佇你的頷頸。
6:22	你行路的時，就引導你；你睏的時，就保守你；你睏醒，就及你談論。
6:23	因為命令是燈，教示是光，詔法的責備是活命的路，
6:24	會保守你無親近歹的婦仁人，無聽妓女諂媚的話。
6:25	你的心內呣通戀慕伊的娞色，也呣通互伊的目睭皮引誘。
6:26	因為，妓女會互人只有剩一塊餅；淫婦會搶奪人寶貴的活命。
6:27	人豈會抱火佇胸前，伊的衫亦無𤏸去嗎？
6:28	人豈會踏佇熱的火炭，伊的腳亦無燒著嗎？
6:29	親近厝邊的某者，亦是按呢；見若摸伊的，𣍐免得受罪。
6:30	賊因為枵偷提物來止飢，人無看輕伊，
6:31	設使互人掠著，著賠七倍，著將家內所有的攏互人。
6:32	及人的某行淫者，就是無智識；行此個事者，欲損害家己的生命。
6:33	伊欲受傷害及凌辱；伊的見誚𣍐會洗除。
6:34	因為妒忌就是人的大受氣，報讎的時的確無寬容。
6:35	用銀贖罪，伊也呣揲；你雖然送多多禮物，伊也呣放你息。

- 本章節結束 -

聯繫資訊

線上台語聖經

台語聖經

箴言第6章

快速導航

相關資訊

聯絡麥穗田

聯繫資訊

線上台語聖經

台語聖經

箴言 第6章

箴言第6章