走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 23:1 | 你若及官長坐桌，著注意彼個佇你面前的。 |
|---|---|
| 23:2 | 你若是貪食的人，就著用刀下佇嚨喉。 |
| 23:3 | 呣通貪伊的好食物，因為是騙人的食物。 |
| 23:4 | 呣通拖磨來求好額，呣通倚靠家己的聰明。 |
| 23:5 | 你豈欲注目佇彼個空虛的嗎？因為錢財家己欲發翅，親像鷹鳥飛上天。 |
| 23:6 | 呣通食堅吝的人的飯，也呣通貪伊的好滋味； |
| 23:7 | 因為伊的心按呢想，伊做人也按呢。伊雖然對你講，請食，請飲，總是伊的心無意向你。 |
| 23:8 | 就你所食彼點仔欲吐出來；所講的好話歸佇空空。 |
| 23:9 | 呣通講話互戇人聽，因為伊欲看輕你智慧的話。 |
| 23:10 | 呣通移徙早時所立的地界，也呣通侵入無父的子的田地。 |
| 23:11 | 因為贖回𪜶的有大權能，伊欲對你來伸𪜶的冤。 |
| 23:12 | 著專心向佇教示，俯耳孔佇智慧的話。 |
| 23:13 | 囝仔呣通無教督；你用箠拍伊，𣍐致到死。 |
| 23:14 | 你用箠拍伊，就通救伊的靈魂免落陰府。 |
| 23:15 | 我的子，你的心若有智慧，我的心的確真歡喜。 |
| 23:16 | 你的嘴若講正直，我的心腸也欲快樂。 |
| 23:17 | 你呣通欣羨歹人，獨獨著通日敬畏耶和華； |
| 23:18 | 因為猶有將來的報應，你的向望也𣍐會斷絕。 |
| 23:19 | 我的子，你著聽，著有智慧，閣引導你的心佇正直的路。 |
| 23:20 | 好飲酒的，貪食肉的，你呣通及伊往來，結交抑做陣； |
| 23:21 | 因為好酒貪食的，欲致到喪鄉；愛睏的，欲致到穿破衫。 |
| 23:22 | 你著聽趁生你的老父；你的老母老的時，也呣通看輕伊。 |
| 23:23 | 著買真理，呣通賣出；智慧、教示、及明理也著按呢。 |
| 23:24 | 義人的老父欲大快樂；人生著智慧的子，欲因為伊來歡喜。 |
| 23:25 | 你著互你的父母歡喜，互生你的母快樂。 |
| 23:26 | 我的子，著將你的心獻互我；你的目睭也著歡喜我許個路。 |
| 23:27 | 因為娼妓是深坑；淫婦是狹的井。 |
| 23:28 | 伊啲當等親像賊；佇人的中間加添詭詐的人。 |
| 23:29 | 是誰有災禍？是誰有憂悶？是誰有相爭？是誰有吐氣？是誰無緣故受傷？是誰目睭紅霧？ |
| 23:30 | 就是彼號飲酒呣知息，四界尋調和的酒，彼號人。 |
| 23:31 | 酒成做紅，佇杯內成做色水，飲了滑喉，你呣通看伊， |
| 23:32 | 到尾親像蛇啲咬你，親像毒蛇啲螯你。 |
| 23:33 | 你的目睭欲看奇異的事；你的心欲發出乖謬。 |
| 23:34 | 你欲親像倒佇海中，抑是親像睏佇船桅頂的人。 |
| 23:35 | 你欲講：人拍我，我無受傷；人摃我，我呣知。我底時精神，我閣去尋酒。 |
