走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 14:1 | 我閣看，看見羊羔徛佇郇山，及伊佇啲的有十四萬四千人，攏有羊羔的名及伊的父的名寫佇𪜶的頭額。 |
|---|---|
| 14:2 | 我聽見對天有聲，親像多多條水的聲亦親像雷大鳴的聲，閣我所聽的聲有親像彈琴的啲彈𪜶的琴。 |
| 14:3 | 𪜶佇座位前，亦佇四個活物及長老的面前，所吟的親像新的詩；彼個詩無人會學習，獨獨對地上受買出的十四萬四千人會若定。 |
| 14:4 | 諸個人是呣曾染著女色的，是貞潔的人。諸個人是隨羊羔，無論叨落去。諸個人是對人的中間受買出，做起頭熟的果子獻互上帝及羊羔的。 |
| 14:5 | 𪜶的嘴無白賊；𪜶是無瑕疵的。 |
| 14:6 | 我閣看見別個天使飛佇天中，有永遠的福音通傳互𫢶佇地裡的人，亦互逐邦國、逐種族、逐號腔口，逐樣百姓。 |
| 14:7 | 伊大聲講：「著敬畏上帝，將榮光歸互伊！因為伊審判的時到啦。亦著拜彼個創造天、地、海，以及諸個水泉的。」 |
| 14:8 | 閣有別個天使是第二個，隨佇後面講：「倒壞啊！倒壞啊！大的巴比倫就是互萬邦飲伊淫亂、惹著受氣的酒的。」 |
| 14:9 | 閣有別個天使第三個，隨𪜶，大聲講：「若有拜獸及伊的相，以及受蓋印的記號佇頭額抑是佇伊的手裡的， |
| 14:10 | 伊也欲飲上帝大受氣的酒；就是無透的，斟佇伊受氣的酒杯。閣欲佇聖天使的面前及羊羔的面前，受著火及硫磺的苦楚。 |
| 14:11 | 𪜶受苦楚的煙淐上高，代代無息。閣拜獸及伊的相，以及受伊的名蓋印的記號的，日暝無通得著安息。」 |
| 14:12 | 聖徒的吞愞是在佇此個；這就是守上帝的誡及守耶穌的信的。 |
| 14:13 | 我聽見對天有聲講：「你著寫伊：今以後，佇主來死的死人有福氣！」聖神講：「是啦，互𪜶息𪜶的著磨來安息，𪜶所做的工也隨𪜶。」 |
| 14:14 | 我閣看，看見有白的雲，有親像人子的坐佇雲的頂面，頭殼戴金的冕旒，手抬利的鍥仔。 |
| 14:15 | 閣有別個天使對殿裡出來，對彼個坐佇雲的頂面的大聲叫講：「著伸出你的鍥仔來割；因為收割的時已經到，是地上的五穀已經熟啦。」 |
| 14:16 | 坐佇雲裡的，就㧒伊的鍥仔佇地裡，地上的五穀就收割。 |
| 14:17 | 閣有別個天使對天裡的殿出來，伊也抬利的鍥仔。 |
| 14:18 | 閣有別個天使對祭壇出來，就是有權通治理火的，大聲對抬利鍥仔的叫講：「伸出你利的鍥仔，收地上歸球的葡萄，因為葡萄到水啦！」 |
| 14:19 | 天使就㧒伊的鍥仔佇地裡，來收地上的葡萄，㧒落上帝大受氣的酒窟。 |
| 14:20 | 彼個酒窟佇城外受踏，就有血對酒窟出，高到抵著馬咬韁，遠約略六百里。 |
