台語聖經

線上台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

啟示錄第2章

章節快速選擇 :

上下篇聖經查閱：猶大書回到目錄

2:1	「你著寫批互佇以弗所的教會的使者，講：『正手tha七粒星，行佇七支金燈台中的，伊的話講：
2:2	我知你的所行，及你的著磨、吞愞，許個做歹的人你亦𣍐容允伊。許個家己講是使徒其實呣是的，你曾試驗𪜶，知𪜶是白賊。
2:3	你亦有吞愞，曾為著我的名忍受，無厭倦。
2:4	若是我有所責備你的，就是你已經離開起頭的疼。
2:5	所以，著記得你對叨落跋落來，著反悔，來行你起頭的所行。若無按呢，你若呣反悔，我欲到你遐，徙你的燈台離開伊的位。
2:6	若是你猶有一項可取，就是我所怨恨尼哥拉黨的所行，你亦怨恨伊。
2:7	有耳孔的，著聽聖神給諸個教會所講的。得勝的人，我欲將上帝樂園中活命樹的果子互伊食。』」
2:8	「你著寫批互佇士每拿的教會的使者，講：『做起頭及路尾的，曾死來復活的，伊的話講：
2:9	我知你的患難及喪鄉（實在你是好額），許個家己講是猶太人，其實呣是的，就是做撒但的會，𪜶的謗瀆我亦知。
2:10	莫得驚你所欲受的艱苦。你看，魔鬼欲將恁中間幾若人㧒落監，互恁抵著試，恁欲受患難十日。你著盡忠到死，我就欲用活命的冕旒賞賜你。
2:11	有耳孔的，著聽聖神給諸個教會所講的。得勝的人，決斷無受著第二擺死的害。』」
2:12	「你著寫批互佇別迦摩的教會的使者，講：『彼個有雙面利的劍的，伊的話講：
2:13	我知你所住的位，就是撒但座位的所在；你持守我的名，亦未曾呣認你的信我；佇安提帕的日，伊就是做我的干證盡忠佇我的，受刣佇恁中間，就是佇撒但所住的位。
2:14	若是我有幾若項欲責備你：因為佇你遐有人持守巴蘭的教；早巴蘭曾教示巴勒將塞礙的物㧒佇以色列子孫的面前，互𪜶食祭偶像的物，續行姦淫。
2:15	親像按呢你亦猶原有人持守尼哥拉黨的教。
2:16	所以，著反悔；若無按呢，就我緊緊到你遐，欲用我的嘴的劍及𪜶交戰。
2:17	有耳孔的，著聽聖神給諸個教會所講的。得勝的人，我欲用所囥密的嗎哪互伊，閣用白的石互伊，石頂刻新的名；受的人以外，無人識伊。』」
2:18	「你著寫批互佇推雅推喇的教會的使者，講：『上帝的子目睭親像火焰、腳親像光亮的銅的，伊的話講：
2:19	我知你的所行、你的疼，及信，及服事，及吞愞，閣你路尾的所行，比起頭的卡多。
2:20	若是我有所責備你的，就是你容允彼個婦仁人耶洗別家己稱做先知的，伊教示閣迷惑我諸個奴僕行姦淫，及食祭偶像的物。
2:21	我互伊有時陣通反悔，若是伊無欲反悔離開伊的淫行。
2:22	我欲㧒伊佇眠床。許個及伊行淫的，若無反悔離開伊的所做，我亦欲㧒徛𪜶佇大患難。
2:23	我欲用死滅伊的子兒，就諸個教會攏欲知，我是鑑察人的心腸的，亦欲照恁逐人的所行來報應恁。
2:24	若是恁佇推雅推喇其餘的人，凡若無承受此號教示、亦呣識𪜶所講撒但深奧的事，我給恁講，我無用別號的擔互恁擔。
2:25	獨獨恁所有的，著持守伊，到我來。
2:26	得勝的人及守我的行做到路尾的，我欲互伊有權治理列邦；
2:27	伊欲用鐵枴管轄𪜶，那準磁的器具受拍碎，親像我對我的父承受權柄一樣。
2:28	我也欲用啟明星互伊。
2:29	有耳孔的，著聽聖神給諸個教會所講的。』」

- 本章節結束 -

聯繫資訊

線上台語聖經

台語聖經

啟示錄第2章

快速導航

相關資訊

聯絡麥穗田

聯繫資訊

線上台語聖經

台語聖經

啟示錄 第2章

啟示錄第2章