走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 8:1 | 開第七個印的時，天裡靜靜約略半點鐘久。 |
|---|---|
| 8:2 | 我看見許個徛佇上帝的面前七個天使，閣有七支號頭互𪜶。 |
| 8:3 | 也有一個天使來徛佇祭壇邊，提金香爐。有多多香互伊。 |
| 8:4 | 通參佇眾聖徒的祈禱，佇座位前的金壇頂。香煙及聖徒的祈禱對天使的手淐到上帝的面前。 |
| 8:5 | 天使提彼個香爐，將壇裡的火貯到滿，㧒佇地裡；就有雷鳴，及諸個聲，及閃爁及地動。 |
| 8:6 | 抬七支號頭的七個天使就備辦欲歕。 |
| 8:7 | 頭一個天使歕，就有雹及火用血相參㧒佇地裡；地三份的一份燒燎去，樹木三份的一份燒燎去，一切的青草也燒燎去。 |
| 8:8 | 第二個天使歕，就有親像火啲燒的大山㧒落海；海三份的一份就變做血， |
| 8:9 | 海內所有的活物三份死一份，船隻也三份破一份。 |
| 8:10 | 第三個天使歕，有大粒星the徛𤏸，親像火把對天墜落來，就墜佇江河三份的一份以及佇諸個水泉。 |
| 8:11 | （星的名叫做「茵蔯」。）水三份的一份變做茵蔯，人多多因為諸個水來死，因為伊是苦。 |
| 8:12 | 第四個天使歕，日的三份一、月的三份一、星的三份一受攻擊，致到𪜶三份的一份變做暗，日時三份的一份無光，暝時也是按呢。 |
| 8:13 | 我閣看，就聽見一隻鷹飛佇天中，大聲講：「因為其餘號頭的聲就是三個天使所欲歕的。徛起地上的人，有災禍！有災禍！有災禍！」 |
