走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 19:1 | 諸個代誌了後，我聽見佇天裡有親像歸大陣人的大聲講：哈利路亞！拯救、榮光、權能攏是咱的上帝的！ |
|---|---|
| 19:2 | 是伊的審判真實閣公義；因為伊曾審判彼個大淫婦，就是用伊的淫亂敗壞地上的，閣對伊討流伊的奴僕的血的罪，來伸𪜶的冤。 |
| 19:3 | 𪜶閣再講：哈利路亞！燒伊的煙淐上高，到代代無盡。 |
| 19:4 | 彼二十四個長老及四個活物仆落敬拜坐佇座位的上帝，講：阿們！哈利路亞！ |
| 19:5 | 有聲對座位出來講：凡若恁做咱的上帝的奴僕，來敬畏伊的，無論大細，攏著謳咾伊！ |
| 19:6 | 我聽見有親像歸大陣人的聲，親像多多條水的聲，親像雷大鳴的聲，講：哈利路亞！因為主──咱的上帝、全能者做王啦。 |
| 19:7 | 咱著歡歡喜喜，將榮光歸互伊。因為，羊羔婚姻的期已經到；伊的新娘已經家己備辦好啦， |
| 19:8 | 就有互伊穿光明清氣的幼葛布。（因為幼葛布是聖徒所行的義。） |
| 19:9 | 閣給我講：「你著寫伊：見若受召來赴羊羔的婚筵的有福氣！」閣給我講：「諸個是上帝真實的話。」 |
| 19:10 | 我就仆佇伊的腳前欲拜伊。伊給我講：「千萬呣通！我及你以及你的兄弟有耶穌的干證者，平平是做奴僕，你著拜上帝。」因為耶穌的干證就是先知的神。 |
| 19:11 | 我閣看見天開。就看見有一隻白馬，騎伊的稱做忠信真實，伊的審判及交戰無呣公義。 |
| 19:12 | 伊的目睭是火焰，頭殼頂戴多多王帽；閣有名寫啲，除去伊本身以外無人會識。 |
| 19:13 | 伊穿灑血的衫；伊的名稱做上帝的道。 |
| 19:14 | 佇天裡的軍兵騎白馬，來隨伊，攏穿幼葛，白閣清氣。 |
| 19:15 | 閣有利劍對伊的嘴出，通用伊來拍列邦。伊也欲用鐵枴治理𪜶，伊也欲踏全能的上帝大受氣的酒窟。 |
| 19:16 | 佇伊的衫及腳腿有寫一個名講：「萬王的王，萬主的主。」 |
| 19:17 | 我閣看見一個天使徛佇日頭的中央，大聲喉叫給天中攏總的飛鳥講：「來聚集赴上帝的大筵席， |
| 19:18 | 通來食諸個王的肉，千總的肉，勇士的肉，馬及騎馬的人的肉，凡若自由的做奴僕的，序細序大的肉。」 |
| 19:19 | 我閣看見獸及地上諸個王，及𪜶的軍兵攏聚集，欲及騎馬的以及伊的軍兵交戰。 |
| 19:20 | 獸就受掠；彼個假的先知也及伊同受掠，就是前曾佇獸的面前行神蹟，來迷惑許個受著獸的記號以及拜獸的相的。此二個活活㧒佇硫磺啲燒的火湖； |
| 19:21 | 其餘的互彼個騎馬的嘴內所出的劍刣死𪜶；眾鳥攏食𪜶的肉到飽。 |
