走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 20:1 | 我閣看見天使對天落來，手裡有深淵的鎖匙及大條鐵鍊。 |
|---|---|
| 20:2 | 就掠彼尾龍，就是老蛇，也是魔鬼及撒但，縛伊一千年久， |
| 20:3 | 𪜶伊落深淵，關密，用印封佇彼頂面，互伊無通閣迷惑列邦。聽候一千年滿，以後的確暫時解放。 |
| 20:4 | 我閣看見許個座位，也有坐佇彼頂面的，有得著審判的權互𪜶。閣看見許個為著做耶穌的干證，及為著上帝的道來受刣頭的人的靈魂，以及呣曾拜獸及獸的相，也無受伊的記號佇頭額抑是佇手裡的，諸個攏得著活，來及基督做王一千年。 |
| 20:5 | （其餘的死人無活，聽候彼個一千年滿。）這是頭一擺的復活。 |
| 20:6 | 有份佇此個頭一擺的復活的有福氣啊，是聖啊！第二擺的死管𪜶𣍐著。𪜶欲做上帝及基督的祭司，也欲及伊做王一千年。 |
| 20:7 | 彼個一千年滿，撒但欲受解放出伊的監， |
| 20:8 | 就出來迷惑地上四方的列邦，就是各及瑪各，聚集𪜶來交戰。𪜶的數額親像海沙。 |
| 20:9 | 𪜶就起來遍滿全地，續圍困聖徒的營及得著疼的城，就有火對天降落，來滅𪜶。 |
| 20:10 | 迷惑𪜶的魔鬼受㧒落火及硫磺的湖，佇遐也有獸及假的先知。𪜶欲暝日受苦楚，代代無盡。 |
| 20:11 | 我閣看見一個白色大的座位及坐彼頂面的；地及天對伊的面前逃走，無閣有𪜶的位處。 |
| 20:12 | 我也看見死人大及細攏徛佇座位前。諸個冊就掀開，閣有別本冊掀開，就是活命冊。死人就照𪜶的所行，憑諸個冊所記載來受審判。 |
| 20:13 | 海就交出伊中間的死人；死及陰府也交𪜶中間的死人；逐人就照𪜶的所行受審判。 |
| 20:14 | 死及陰府也㧒落火湖；此個就是第二擺的死就是火湖。 |
| 20:15 | 若有人無記名佇活命冊的，也㧒落火湖。 |
