走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 5:1 | 我看見坐佇座位的，正手提一卷，內外攏有文字，用七個印封密。 |
|---|---|
| 5:2 | 閣看見有權能的天使大聲宣傳講：「是誰會堪得開彼卷，來拆開伊的印？」 |
| 5:3 | 佇天裡，及地裡，及地的下面，無一個會開彼卷、抑是看伊。 |
| 5:4 | 既然尋無一個會堪得開彼卷、抑是看伊的，我就大啼哭。 |
| 5:5 | 許個長老的一個給我講：「莫得啼哭！你看，猶大支派的獅，大衛的根頭，已經得勝，通來開此卷，及許個七個印。」 |
| 5:6 | 我就看見佇座位及四位的活物的中間，及佇許個長老的中間有羊羔徛啲，親像曾受刣，有七支角七蕊目睭，就是上帝的七個神，奉差到普天下的。 |
| 5:7 | 伊就進前，對彼個坐佇座位者的正手提彼卷。 |
| 5:8 | 伊提彼卷的時，就四個活物及二十四個長老攏仆佇羊羔的面前，逐個有琴及金爐貯香滿滿；香就是聖徒的祈禱。 |
| 5:9 | 也吟新的詩，講：你堪得提彼卷，來開伊的印；因為你受刣，曾用你的血對逐族、逐腔口、逐號百姓、逐國買人，來歸上帝， |
| 5:10 | 互𪜶做國，做祭司來服事上帝，𪜶亦欲做王佇地上。 |
| 5:11 | 我閣看，就聽見座位及活物及長老的周圍多多天使的聲；𪜶的額數千千萬萬， |
| 5:12 | 大聲講：受刣的羊羔合宜得著權能、富有、智慧、氣力、尊貴、榮光、謳咾。 |
| 5:13 | 閣聽見佇天、佇地、及地的下面、及海面，一切受造的物，及其中凡所有的，攏講：謳咾、尊貴、榮光、權勢、攏歸互坐佇座位者及羊羔，到代代無盡！ |
| 5:14 | 四個活物講：「阿們！」許個長老就仆啲拜。 |
