經上記著說:『人活著,不是單靠食物,乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本:台語和合本 -
15:1 | 我閣看見別個兆頭佇天裡,大閣奇怪,就是七個天使有掌七項災禍,就是路尾的,因為上帝的大受氣對諸個來盡。 |
---|---|
15:2 | 我閣看見玻璃,及火相參的海。閣看見許個得勝來脫離獸及伊的相以及伊的名的數額者,徛佇玻璃海,攏提上帝的琴, |
15:3 | 吟上帝奴僕摩西的詩及羊羔的詩,講:主上帝──全能者啊,你的所做大閣奇怪!歷世代的王啊,你的道路義閣真實! |
15:4 | 主啊,是誰呣敬畏歸榮光你的名啊?因為獨獨你是聖。列邦欲攏來敬拜佇你的面前,因為你公義的所行已經顯明。 |
15:5 | 諸個代誌了後,我看見佇天裡彼個做證據的會幕的殿已經開。 |
15:6 | 許個七個天使有啲掌七項災禍的,對殿出來,身軀穿寶石清亮閣光明,胸坎縖金帶。 |
15:7 | 四個活物的一個將七個金碗互彼七個天使,內面貯滿彼個活到代代無盡的上帝的大受氣。 |
15:8 | 對上帝的榮光及伊的權能,就殿裡有煙滿滿。閣無人會入殿,聽候到七個天使七項的災禍行盡。 |