走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 14:1 | 參孫落去亭拿，佇亭拿看見一個查某囝仔，就是非利士人的查某子。 |
|---|---|
| 14:2 | 參孫上去給伊老父老母講：「我佇亭拿看見一個查某囝仔，是非利士人的查某子，願恁給我娶伊來做某。」 |
| 14:3 | 伊的老父伊的老母給伊講：「佇你兄弟中的查某囝仔，抑是佇咱百姓中，豈無一個查某囝仔，致到你去佇無受割禮的非利士人中娶某啊？」參孫給伊的老父講：「願你給我娶伊，因為伊是我合意的。」 |
| 14:4 | 總是伊的老父伊的老母呣知此個事是出佇耶和華，因為伊尋機會攻擊非利士。彼時，非利士人管轄以色列。 |
| 14:5 | 參孫及伊的父母落去亭拿，到亭拿的葡萄園，抵當有一隻獅仔肫哮來倚伊。 |
| 14:6 | 耶和華的神大大臨到參孫，伊的手無家私，也拆裂伊，親像拆裂山羊仔一樣。伊也無給伊的父母講伊所行的事。 |
| 14:7 | 伊落去及查某囝仔講話，伊是參孫所合意的； |
| 14:8 | 閣有許久，倒轉欲來娶伊，越對路邊欲看死的獅，看見有一巢蜂及蜜佇獅的身屍內， |
| 14:9 | 手提蜜去行，愈行愈食；到伊的父母遐，就互𪜶，𪜶也食；總是無給伊講此個蜜是對獅的身屍提來的。 |
| 14:10 | 伊的老父落去到查某囝仔遐。參孫佇遐設筵席，因為平素少年人攏有此號的風俗。 |
| 14:11 | 𪜶看見參孫，就導三十個伴來陪伊。 |
| 14:12 | 參孫給𪜶講：「我今欲出一個猜互恁，恁佇筵席的七日內，若會猜出意思來給我講，我就欲互恁三十領的幼苧衫，三十套的外衫； |
| 14:13 | 恁若𣍐會給我講，恁就著互我三十領的幼苧衫，三十套的外衫。」𪜶講：「請出你的猜互阮聽。」 |
| 14:14 | 伊就給𪜶講：對食的出食物；對強的出甜。𪜶三日久猜𣍐出。 |
| 14:15 | 到第七日，𪜶給參孫的某講：「你著漏你的丈夫，互伊用猜的意思給阮講，免得阮用火燒你及你的老父的厝。恁請阮來，是欲搶阮抑呣是？」 |
| 14:16 | 參孫的某啼哭佇伊的面前講：「你是怨恨我，呣是疼我，因為你出猜互我本國的人，也無給我講明。」伊應伊講：「連我的老父老母都無給伊講，豈通給你講嗎？」 |
| 14:17 | 佇筵席的七日內，伊啼哭佇伊的丈夫的面前，到第七日就給伊講，因為伊迫伊真殄，伊的某就給伊本國的人講。 |
| 14:18 | 到第七日，日猶未落的代先，城內的百姓給參孫講：有甚麼比蜜卡甜啊？有甚麼比獅卡強啊？參孫給𪜶講：恁若呣是用我的牛種仔犁田，我的猜就猜𣍐出。 |
| 14:19 | 耶和華的神大大臨到參孫，伊就落去到亞實基倫，刣死𪜶中間三十人，搶𪜶，將許個衫互猜著的人。參孫大受氣，就上去𪜶老父的家。 |
| 14:20 | 參孫的某就嫁互伊的陪伴，就是參孫用做伊的朋友的。 |
