走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 21:1 | 以色列人佇米斯巴曾咒誓講：「阮中間無一人欲用查某子嫁互便雅憫人。」 |
|---|---|
| 21:2 | 百姓來到伯特利，佇遐坐佇上帝的面前到下昏，出聲大啼哭， |
| 21:3 | 講：「耶和華──以色列的上帝啊，今仔日佇以色列中減一支派，以色列中啥事有此個事啊？」 |
| 21:4 | 隔日天光早，百姓起來，佇遐起一座壇，獻燒祭及平安祭。 |
| 21:5 | 以色列人講：「佇以色列眾支派中，是誰無及會眾上去耶和華遐？」因為𪜶大咒誓講，見若無上米斯巴到耶和華的面前的，著互伊死。 |
| 21:6 | 以色列人為著𪜶的兄弟便雅憫人退悔，講：「今仔日以色列中絕一支派啦。 |
| 21:7 | 咱已經指耶和華來咒誓，無欲用查某子嫁𪜶，今就𪜶所剩的人，咱欲對叨落互𪜶有某啊？」 |
| 21:8 | 閣講：「以色列諸個支派中叨落一個無上米斯巴到耶和華遐？」𪜶就查出基列雅比無一人到營內會眾遐； |
| 21:9 | 因為點算百姓的時，許個徛起佇基列雅比的人無一個佇遐。 |
| 21:10 | 會眾就差一萬二千大力的勇士，吩咐𪜶講：「恁去用刀刣死徛起佇基列雅比的人以及婦仁人囝仔。 |
| 21:11 | 恁所著行的就是按呢：著將一切的查甫人及許個曾及查甫人同房的查某人一盡刣死。」 |
| 21:12 | 𪜶佇基列雅比人的中間，抵著四百個未及查甫人同房的在室女，就帶到迦南地示羅的軍營。 |
| 21:13 | 全會差人給臨門石磐的便雅憫人講，用和平的話報𪜶。 |
| 21:14 | 彼時便雅憫人倒來，以色列人就將所留互伊活基列雅比的查某囝仔嫁互𪜶，猶久無夠額。 |
| 21:15 | 百姓為著便雅憫人就退悔，因為耶和華互以色列支派缺一角。 |
| 21:16 | 會中的長老講：「便雅憫中的婦女已經剿滅，今就𪜶所剩的人咱欲對叨落互𪜶有某啊？」 |
| 21:17 | 閣講：「便雅憫逃走的人猶原著有業互𪜶，免得以色列中絕一支派。 |
| 21:18 | 總是咱𣍐會將家己的查某囝仔互𪜶做某；因為以色列人曾咒誓講，用查某子嫁互便雅憫人的，著受咒詛。」 |
| 21:19 | 𪜶閣講：「佇利波拿的南勢，伯特利的北勢，就是對伯特利去示劍大路東勢的示羅，逐年有耶和華的節期」； |
| 21:20 | 就吩咐便雅憫人講：「恁著去，匿佇葡萄園中。 |
| 21:21 | 若看見示羅的查某囝仔出來跳舞，恁著對葡萄園出來，佇示羅的女子中逐人搶一個做某，倒去便雅憫地。 |
| 21:22 | 𪜶的父兄若來對阮告訴，阮欲對𪜶講：『請恁帶著阮，來恩典𪜶，因為前交戰的時無留查某囝仔互𪜶逐人做某。今也呣是恁互𪜶；若是恁就有罪。』」 |
| 21:23 | 便雅憫人就照按呢行，照𪜶的人額對跳舞的查某囝仔中所掠的娶𪜶做某，就倒去𪜶本地，閣起城來徛起遐。 |
| 21:24 | 彼時以色列人離開遐，逐人倒去𪜶的支派、伊的宗族、對遐出來逐人倒去𪜶本地。 |
| 21:25 | 當彼時，以色列中無王，逐人照伊所看做著的來行。 |
- 本章節結束 -
上一章