走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
約書亞記就是在記錄摩西的繼承人約書亞率領以色列人進迦南的經過。重要的事件包括渡過約旦河，攻陷耶利哥，艾城戰役，以又 神與他的子民重立新約等。本書最被人傳誦的經文見第二十四章十五節：「若你們以事奉耶和華為不好，今日就可選擇所要事奉的........至於我和我的家，我們必家事奉耶和華。」
| 1:1 | 耶和華的奴僕摩西死了後，耶和華吩咐嫩的子約書亞，就是跟隨摩西的，講： |
|---|---|
| 1:2 | 「我的奴僕摩西死了啦。今你著起來，及眾百姓過此個約但，去我所賞賜以色列人的地。 |
| 1:3 | 見若恁的腳掌所踏的地，我攏賞賜恁照我對摩西所講的。 |
| 1:4 | 對曠野及此個黎巴嫩，到大河就是伯拉河，赫人的全地，閣到大海向日落的所在，攏欲做恁的境界。 |
| 1:5 | 你一世人，的確無一人會徛住佇你的面前。我怎樣及摩西佇啲，也欲按呢及你佇啲；我的確無離開你，也無放拺你。 |
| 1:6 | 你著勇敢壯膽！因為你欲互此個百姓得著彼個地做業，就是我對𪜶的列祖所咒誓欲互𪜶的。 |
| 1:7 | 獨獨你著勇敢，大大壯膽，執守我的奴僕摩西所命令你一切的律法來行伊，呣通離開來偏左偏右，互你無論叨落去，攏得著亨通。 |
| 1:8 | 此個律法的冊呣通離開你的嘴，的確著暝日想伊，互你執守來行此個冊內所記載一切的話。按呢，就會互你的路平坦，你也得著大亨通。 |
| 1:9 | 我豈無命令你嗎？你著勇敢壯膽！莫得驚，也莫得愞；因為你無論叨落去，耶和華──你的上帝及你佇啲。」 |
| 1:10 | 對按呢，約書亞命令百姓的官長講： |
| 1:11 | 「恁著遍行營中，命令百姓講：『恁著備辦食物；因為三日內恁欲過此個約但，入去得著耶和華──恁上帝所欲互恁得著的地。』」 |
| 1:12 | 約書亞吩咐流便人、迦得人，及瑪拿西半支派講： |
| 1:13 | 「恁著記得耶和華的奴僕摩西所命令恁的話講：『耶和華──恁上帝已經互恁平安，也欲將此個地賞賜恁。』 |
| 1:14 | 恁的某，恁的囝仔，恁的精牲攏著住佇約但此旁、摩西所互恁的地；獨獨恁中間一切大氣力的勇士攏著帶軍器佇恁兄弟的頭前過去，幫助𪜶， |
| 1:15 | 到耶和華互恁的兄弟得著平安親像恁一樣，到𪜶也得著耶和華──恁上帝所賞賜𪜶的地，彼時恁才通倒去恁所得著的地，承接伊來做業，就是耶和華的奴僕摩西佇約但此旁、向日出的所在所互恁的。」 |
| 1:16 | 𪜶應約書亞講：「見你所命令阮的，阮欲行；你所差阮的，阮攏欲去。 |
| 1:17 | 阮前佇一切的事怎樣聽趁摩西，今也欲按呢聽趁你；獨獨願耶和華──你的上帝及你佇啲，親像伊前及摩西佇啲一樣。 |
| 1:18 | 無論甚麼人違背你的命令，呣聽你的話照你一切所命令的，就欲互伊死。獨獨你著勇敢壯膽！」 |
- 本章節結束 -
下一章