走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 5:1 | 約但河西勢的亞摩利人諸個王及倚海的迦南人諸個王，聽見耶和華佇以色列人的面前互約但的水乾去，聽候咱過去，𪜶的心因為以色列人的緣故就失膽，神不附體。 |
|---|---|
| 5:2 | 彼時，耶和華對約書亞講：「你著創火石刀，第二擺給以色列人行割禮。」 |
| 5:3 | 約書亞就創火石刀，佇「除去皮山」遐給以色列人行割禮。 |
| 5:4 | 約書亞給𪜶行割禮的緣故，是因為對埃及出來的眾百姓，見會交戰的查甫丁，出埃及以後，佇路裡死佇曠野。 |
| 5:5 | 因為出來的眾百姓攏受割禮；獨獨出埃及以後、佇曠野的路裡所生的眾百姓攏無受割禮。 |
| 5:6 | 以色列人佇曠野行四十年，到眾百姓，就是出埃及的戰士，一盡消滅，因為𪜶無聽趁耶和華的話。耶和華曾對𪜶咒誓，呣互𪜶看見耶和華對𪜶列祖所咒誓、欲賞賜咱的地，就是流奶及蜜的地。 |
| 5:7 | 𪜶的子孫，就是伊所興起來續接𪜶的，攏無受割禮；因為𪜶佇路裡無給𪜶行割禮，約書亞才給𪜶行。 |
| 5:8 | 百姓攏受割禮明白，就踮佇營內家己的所在，聽候好。 |
| 5:9 | 耶和華對約書亞講：「我今仔日將埃及的凌辱移徙離開恁。」對按呢，彼所在名叫吉甲，直到今仔日。 |
| 5:10 | 彼時以色列人紮營佇吉甲。彼月十四下昏，佇耶利哥的平洋守𨃟過節。 |
| 5:11 | 𨃟過節的隔日，𪜶就食彼所在所出的；抵抵彼日食無酵餅及烘的五穀。 |
| 5:12 | 𪜶食彼所在所出的隔日嗎哪就停歇，以色列人也無閣有嗎哪。彼年，𪜶就食迦南地的土產。 |
| 5:13 | 約書亞倚近耶利哥的時，抬目看，看見有一人手拔刀，徛佇伊的對面。約書亞近倚伊，問伊講：「你是為阮的？抑是為阮的對敵啊？」 |
| 5:14 | 伊應講：「無，我來是做耶和華的軍長。」約書亞就仆佇地裡拜伊，講：「我的主命令奴僕甚麼？」 |
| 5:15 | 耶和華的軍長對約書亞講：「褪你腳裡的鞋，因為你所徛的所在是聖的。」約書亞就照按呢行。 |
