走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 17:1 | 這是瑪拿西的支派拈鬮所得著的業，因為伊是約瑟的大子。論到瑪吉，是瑪拿西的大子基列的老父，因為伊是勇士就得著基列及巴珊。 |
|---|---|
| 17:2 | 瑪拿西其餘的子孫，照𪜶的宗族，拈鬮分地，就是亞比以謝的子孫，希勒的子孫，亞斯列的子孫，示劍的子孫，希弗的子孫，示米大的子孫；諸個照因的宗族，攏是約瑟的子瑪拿西的查甫丁。 |
| 17:3 | 瑪拿西的元孫，瑪吉的曾孫，基列的孫，希弗的子西羅非哈無子，只有查某子。伊的查某子名叫瑪拉、挪阿、曷拉、密迦、得撒； |
| 17:4 | 因來到祭司以利亞撒及嫩的子約書亞及眾首領的面前，講：「耶和華曾命令摩西佇阮兄弟中分業互阮。」伊就照耶和華所命令的，佇因老父的兄弟中，分業互𪜶。 |
| 17:5 | 佇約但彼旁基列及巴珊地以外，瑪拿西閣拈鬮得著十份的地， |
| 17:6 | 因為瑪拿西許個查某孫佇瑪拿西的子孫中得著業。基列地是屬瑪拿西其餘的子孫。 |
| 17:7 | 瑪拿西的地界：對亞設起，到示劍的頭前的密米他，彼個界向正手旁到隱他普亞徛起的百姓遐。 |
| 17:8 | 他普亞的地歸瑪拿西，獨獨瑪拿西的交界的他普亞歸以法蓮的子孫。 |
| 17:9 | 伊的界落去到加拿河佇河的南旁。佇瑪拿西許個城的中間，諸個城是屬以法蓮。瑪拿西的地界是佇河的北勢。通到海為止； |
| 17:10 | 南屬以法蓮，北屬瑪拿西，用海做伊的界；北旁到亞設，東旁到以薩迦。 |
| 17:11 | 瑪拿西佇以薩迦及亞設的境內，有伯善及伊的鄉社，以伯蓮及伊的鄉社，多珥徛起的百姓及伊的鄉社，閣有三所在山地，就是隱多珥及伊的鄉社；他納徛起的百姓及伊的鄉社；米吉多徛起的百姓及伊的鄉社。 |
| 17:12 | 總是瑪拿西的子孫𣍐會趕出許個城的百姓，迦南人決意欲踮佇彼個地。 |
| 17:13 | 到以色列人強盛的時，就互迦南人做苦工，無一盡趕因出。 |
| 17:14 | 約瑟的子孫對約書亞講：「耶和華平時賜福阮，阮就成做大族，你啥事干單用一鬮的份額互阮做業啊？」 |
| 17:15 | 約書亞對因講：「恁若果然成做大族，以法蓮地對佇恁是卡狹細，就你通上去樹林，佇比利洗人、利乏音人的地，佇遐為家己來開墾。」 |
| 17:16 | 約瑟的子孫講：「彼個地無夠額容允阮，閣踮佇平洋的迦南人，就是踮佇伯善及伊的鄉社，及踮耶斯列平洋的人，攏有鐵車。」 |
| 17:17 | 約書亞對約瑟的家，就是以法蓮及瑪拿西的人，講：「你是大族，閣強盛，呣若一鬮的份額， |
| 17:18 | 山地也欲歸你，雖然是樹林，你也通剉伊；伊的極頭也欲屬你。迦南人雖然有鐵車，閣強盛，你也會趕𪜶出去。」 |
