走到哪裡都有麥子
走出你的個人世界 WITH

走到哪裡都有麥子～

聯繫我們

聯繫資訊

新北市永和郵局238號信箱 (02)2926-5882 .0987-300-005 服務信箱：info@awheat.org 捐款支持

線上台語聖經

麥穗田首頁 線上台語聖經

台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

  約書亞記  第22章

章節快速選擇 :   
1
2
3
4
5
6
7
8
9
10
11
12
13
14
15
16
17
18
19
20
21
22
23
24
上下篇聖經查閱： 申命記    士師記     回到目錄
22:1 彼時，約書亞叫流便人、迦得人，及瑪拿西半支派的人來，
22:2 對𪜶講：「耶和華的奴僕摩西所命令恁的，恁攏遵守；我所命令恁的，恁也攏聽趁。
22:3 恁即多日，攏無離開恁的兄弟，直到今仔日，恁也有守耶和華──恁上帝所命令恁著守的。
22:4 今耶和華──恁上帝照伊所應允的，互恁兄弟得著平安，今恁通倒轉去恁的布棚，到耶和華的奴僕摩西佇約但彼旁所賜互恁作業的地。
22:5 總是恁切切著謹慎遵趁耶和華的奴僕摩西所命令恁的誡命律法，疼耶和華──恁的上帝，行伊一切的道路，守伊的誠命，結聯佇伊，盡心盡性服事伊。」
22:6 對按呢約書亞給𪜶祝福，差𪜶去，𪜶就倒去𪜶的布棚。
22:7 瑪拿西半支派，摩西已經佇巴珊分業互𪜶。猶半支派，約書亞佇約但彼旁西勢，佇𪜶兄弟中，分業互因。約書亞差𪜶倒去布棚的時給𪜶祝福，
22:8 吩咐𪜶講：「恁著帶多多財物，多多精牲及銀、金、銅、鐵，及多多衣服，倒去恁的布棚，將恁所搶對敵的贓物，及恁的兄弟相及分。」
22:9 對按呢流便人、迦得人、瑪拿西半支派的人對迦南地的示羅起身，離開以色列人，欲倒去𪜶得著基列地，就是照耶和華託摩西所命令的得著做業的地。
22:10 流便人、迦得人，及瑪拿西半支派到約但河邊一帶的迦南地，就佇近約但遐起一座壇；彼個壇看了真大。
22:11 以色列人聽見講，看啊，流便人、迦得人，及瑪拿西半支派有起一座壇佇迦南地的頭前約但的邊仔，以色列人過去的所在。
22:12 以色列人聽見，以色列人全會攏聚集佇示羅，欲上去及𪜶交戰。
22:13 以色列人差祭司以利亞撒的子非尼哈，去基列地見流便人、迦得人、瑪拿西半支派；
22:14 閣差十個首領及伊去，就是以色列逐支派逐族一個首領，逐人佇以色列軍隊中做族長。
22:15 因到基列地，見流便人、迦得人，及瑪拿西半支派，對𪜶講：
22:16 「耶和華全會的眾人按呢講，恁干犯以色列的上帝，今仔日越轉無隨耶和華，為家己起一座壇，致到今仔日悖逆耶和華，犯著這是甚麼罪啊？
22:17 早對佇毗珥的罪，咱猶掠做小可嗎？雖然瘟疫到耶和華的會眾，到今仔日咱猶未清氣。
22:18 恁今仔日竟然越轉無隨耶和華啊？恁今仔日悖逆耶和華，明仔日伊欲受氣以色列的全會。
22:19 恁所得著做業的地，若無清氣，就通過來耶和華的地的業，就是耶和華會幕所踮的所在，佇阮中間得著業。總是呣通悖逆耶和華，也呣通悖逆阮，呣通佇耶和華──咱上帝的壇以外，為家己閣起壇。
22:20 前謝拉的曾孫亞干豈無佇彼個應該獻的物犯罪，就有受氣臨到佇以色列的全會嗎？彼個人佇伊所犯的罪，呣若伊家己一人死。」
22:21 對按呢流便人、迦得人、瑪拿西半支派應以色列軍隊的頭人講：
22:22 「全能的上帝耶和華！全能的上帝耶和華！伊知！以色列也欲知！阮若有悖逆的意思，抑是干犯耶和華（今仔日無救阮），
22:23 為家己起壇，欲越轉無隨耶和華，抑是欲獻燒祭、素祭、謝恩祭佇彼頂面，耶和華欲歸咎伊。
22:24 阮做此個代誌是為著持防，才故意做，是驚了後日恁的子孫對阮的子孫講：『恁及耶和華──以色列的上帝有甚麼關係啊？
22:25 流便人、迦得人啊，耶和華設此個約但，佇恁及阮的中間做界限，今恁佇耶和華無分。』按呢，就恁的子孫會互阮的子孫無閣敬畏耶和華。
22:26 所以阮相及講：『今咱著為家己起一座壇，呣是為著燒祭，也呣是為著別號的祭，
22:27 就是為著恁阮的中間以及恁及阮後代的中間做證據，互阮通佇耶和華的面前用阮的燒祭、謝恩祭，及別號祭來服事伊，免得恁的子孫後日對阮的子孫講，恁無份佇耶和華。』
22:28 所以阮講：『別日因若對阮，抑是阮的後代按呢講，阮通應講，恁通看耶和華的壇的款式，就是阮的列祖前所起的；呣是為著燒祭，及別號的祭，就是為著欲做恁阮中間的證據。』
22:29 阮佇耶和華──咱上帝會幕前以外，另外閣起一座壇，為著燒祭、素祭，及別號的祭，來悖逆耶和華，今仔日越轉無隨耶和華，阮決斷無此號意思。」
22:30 祭司非尼哈及會中許個首領，以及及伊相及來以色列中軍隊的頭人，就是及伊相及來的，聽見流便人、迦得人、瑪拿西人所講的話，就攏掠做好。
22:31 祭司以利亞撒的子非尼哈對流便人、迦得人、瑪拿西人講：「今仔日阮知耶和華佇咱的中間，因為恁無犯著此個罪來得罪耶和華。今恁有救以色列人脫離耶和華的手。」
22:32 祭司以利亞撒的子非尼哈及許個首領離別流便人、迦得人，對基列地倒去迦南地，到以色列人遐，回覆𪜶。
22:33 以色列人掠此個事做好，對按呢以色列人謳咾上帝，無閣提起欲上去及流便人、迦得人交戰，來毀壞𪜶所徛起的地。
22:34 流便人、迦得人叫彼個壇名做證據，因為講，此個壇佇咱中間證明耶和華是上帝。

- 本章節結束 -

上一章    下一章