走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
申命記是從希臘文「第二部律法」而來 ，重新解釋，並且重「申」西奈山「命」令。記載摩西向摩押向以色列人所做的一連串的指示。那時，以色列人已經到達漫長程的終點，正準備進佔迦南。本書的主題是神拯救賜福給他所愛的選民；所以，他的子民必須牢記 神的恩，愛他，順服他，好保留生命，不斷地蒙福。第六章第五節：「你要盡心、盡性、盡力愛耶和華---你的 神」是本書的重要經句。
| 1:1 | 摩西佇約但外、佇曠野疏弗對面的亞拉巴──就是佇巴蘭、陀弗、拉班、哈洗錄、底撒哈的中間──對以色列的眾人所講的話記佇下底。（ |
|---|---|
| 1:2 | 對何烈經過西珥山的路到加低斯巴尼亞有十一日的路站。） |
| 1:3 | 佇第四十年十一月初一日，摩西照耶和華一切所命令伊的攏給以色列人講。 |
| 1:4 | 彼時，伊已經拍贏徛起佇希實本的亞摩利王西宏及徛起佇以得來、亞斯他錄的巴珊王噩。 |
| 1:5 | 摩西佇約但外的摩押地起頭傳此個律法講： |
| 1:6 | 「耶和華──咱的上帝佇何烈吩咐咱講：恁徛起此個山已經久啦； |
| 1:7 | 著起身越轉到亞摩利人的山地及近倚遐的逐所在，佇亞拉巴、佇山地、佇平洋、佇南方，沿海一帶迦南人的地，及黎巴嫩閣到大河就是伯拉河。 |
| 1:8 | 今我用此個地排列佇恁的面前；恁著入去得著伊來做業，就是耶和華對恁的祖亞伯拉罕、以撒、雅各咒誓欲賞賜𪜶及𪜶的後裔的地。」 |
| 1:9 | 「彼時，我給恁講：『恁的責成，我家己一個擔當𣍐起。 |
| 1:10 | 耶和華──恁的上帝互恁加添多多。看啊，恁今仔日親像天頂的星許多。 |
| 1:11 | 願耶和華──恁列祖的上帝互恁比現今加千倍多，也照伊所應允恁的賜福恁。 |
| 1:12 | 恁的重擔，恁的責成，及恁的冤家，我家己一個豈可擔當會起啊？ |
| 1:13 | 恁著照逐支派揀有智慧、有見識、有名望的人，我設立𪜶做恁的首領。』 |
| 1:14 | 恁應我講：『你所講的是好，通行伊。』 |
| 1:15 | 我就將恁逐支派的首領，就是有智慧、有名望的人，設立𪜶做首領，就是千總、百總、五十夫長、十夫長，及有司，照恁的支派來管理恁。 |
| 1:16 | 「當時，我命令恁的審判官講：『恁佇恁兄弟中審判，或是人及伊的兄弟，抑是及𪜶中間的出外人有相告，著照公道判斷。 |
| 1:17 | 審判的時，呣通看人的外貌；弱及強平平著聽伊，呣通驚畏人，因為審判屬佇上帝。恁解決的事，互伊到我遮，我就判斷伊。』 |
| 1:18 | 彼時，我將恁所應該行的事攏命令恁。」 |
| 1:19 | 「咱照耶和華──咱的上帝所命令咱的對何烈起身，經過恁所看見彼個大閣通驚的曠野，路對亞摩利人的山地，咱就到加低斯巴尼亞。 |
| 1:20 | 我對恁講：『恁已經到耶和華──咱的上帝賞賜咱亞摩利人的山地。 |
| 1:21 | 看啊！耶和華──恁的上帝已經將彼個地排列佇你的面前，你著照耶和華──你的列祖的上帝所對你講的上去來得著伊做業；莫得驚，莫得愞。』 |
| 1:22 | 彼時恁攏就近我來講：『咱著差人代先去，給咱偷看彼個地，回覆咱，看咱著對甚麼路上去，甚麼城入去。』 |
| 1:23 | 這話我看做好，我就對恁中間揀十二人，每支派一人。 |
| 1:24 | 𪜶就越轉身上山地去，到以實各的山谷，偷看伊。 |
| 1:25 | 𪜶手裡提彼所在的果子，帶來到咱遐，回覆咱講：『耶和華──咱的上帝所賞賜咱的是好的土地。』 |
| 1:26 | 「總是恁呣肯上去，背耶和華──恁的上帝的命令， |
| 1:27 | 閣佇恁的布棚內哀怨講：『因為耶和華怨恨咱，所以導咱出埃及地，欲將咱交佇亞摩利人的手，剿滅咱。 |
| 1:28 | 咱欲上去叨落啊？咱的兄弟互咱失志，講遐的百姓比咱卡大卡，城闊大閣堅固，高到抵天，閣阮佇遐看見亞衲族的人。』 |
| 1:29 | 我就對恁講：『莫得愞，莫得驚𪜶。 |
| 1:30 | 行佇恁的面前的耶和華──恁的上帝欲替恁交戰，親像伊佇埃及為著恁來行佇恁目睭前一切的事。 |
| 1:31 | 閣親像伊行佇曠野，佇遐你看見耶和華──你的上帝佇你一切所行的路有怎樣揹你，親像人揹伊的子一樣，到恁到佇此個所在。』 |
| 1:32 | 總是恁佇此個事呣信耶和華──恁的上帝。 |
| 1:33 | 伊佇路裡，佇恁的頭前啲行，給恁尋安營的所在；暝時用火，日時用雲，指示恁所著行的路。」 |
| 1:34 | 「耶和華聽見諸個話的聲，就受氣，咒誓講： |
| 1:35 | 『此個歹世代的人，決斷無一個會看見我咒誓賞賜恁列祖的好地； |
| 1:36 | 只有耶孚尼的子迦勒欲得著看見，閣我欲用伊所踏著的地賞賜伊及伊的子孫，因為伊專心隨耶和華。』 |
| 1:37 | 耶和華為著恁的緣故也受氣我，講：『你也𣍐得著入彼個所在。 |
| 1:38 | 跟隨你的、嫩的子約書亞，伊欲入去遐；你著勇壯伊的心志，因為伊欲互以色列人承接彼個所在。 |
| 1:39 | 閣恁的囝仔，就是恁所講、欲受掠的，及今仔日恁許個𣍐曉好歹的子兒，欲入去遐。我欲將彼所在互𪜶，𪜶欲得著做業。 |
| 1:40 | 論到恁，恁著越倒轉起身，對紅海的路去曠野。』 |
| 1:41 | 「彼時，恁應我講：『阮得罪耶和華，今阮欲照耶和華──阮的上帝一切所命令的上去交戰。』對彼霎恁逐人帶軍器，隨便上去山地。 |
| 1:42 | 耶和華給我講：『你著給𪜶講：呣通上去，也呣通交戰；因為我無佇恁中間，驚了恁刣輸對敵。』 |
| 1:43 | 我就給恁講，總是恁呣聽趁，悖逆耶和華的命令，自專上去山地。 |
| 1:44 | 踮佇山裡的亞摩利人就出來攻擊恁，親像蜂追趕恁一般，佇西珥刣贏恁，直到何珥瑪。 |
| 1:45 | 恁就倒轉來，佇耶和華的面前啼哭；總是耶和華呣聽恁的聲，也呣俯耳孔向恁。 |
| 1:46 | 恁就踮佇加低斯多多日，照恁踮佇遐的日。」 |
- 本章節結束 -
下一章