走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 17:1 | 「見有破相，抑是有甚麼歹樣的牛羊，你呣通祭獻耶和華──你的上帝，因為這是耶和華──你的上帝所厭惡的。 |
|---|---|
| 17:2 | 「佇恁中間，佇耶和華──你上帝所賞賜你許個城的中間，若抵著有人，或是男或是女，行耶和華──你上帝所看做歹的，違背伊的約， |
| 17:3 | 去服事別個上帝來敬拜伊，或是日、或是月，抑是天頂的萬象，是我所未曾命令的； |
| 17:4 | 若有人給你講，你也已經聽見，就著詳細探聽，看啊！果然有影，實在有此個可惡的事行佇以色列中， |
| 17:5 | 你著將行此個歹代的查甫人抑是婦仁人拖到城門外，用石頭擲彼個查甫人抑是婦仁人互伊死。 |
| 17:6 | 著憑二個干證抑是三個干證的嘴，應該死者著互伊死；若憑一人的嘴做干證就呣通互伊死。 |
| 17:7 | 干證者著做頭下手擲伊，然後眾百姓也下手互伊死。按呢，就對恁中間除去彼個歹。 |
| 17:8 | 「你城門內若有冤家的事，或是因為流血，或是因為相告，或是因為相拍，是你所𣍐曉得斷的，你就著起來，去耶和華──你上帝所欲揀的所在。 |
| 17:9 | 見祭司利未人，及當時的審判官，來問𪜶，𪜶欲將判詞指示你。 |
| 17:10 | 𪜶佇耶和華所欲揀的所在指示你的判詞，你著照按呢行，見𪜶所教示你的著執守來行伊。 |
| 17:11 | 著照𪜶所欲教示你法度的宗旨，也著照𪜶所給你講的判斷來行；𪜶所指示你的判詞，你呣通偏左偏右。 |
| 17:12 | 若有人自專行呣聽祭司，就是佇遐徛啲來服事耶和華──你的上帝的，抑是呣聽審判官，就著互彼人死；按呢，你就對以色列中除去彼個歹。 |
| 17:13 | 百姓欲攏聽見來驚，無閣自專行。」 |
| 17:14 | 「你到耶和華──你上帝所賞賜你的地，得著彼所在來徛起的時，若講：『我欲設立王做我的頭，親像我四圍的列國一樣。』 |
| 17:15 | 你的確著設立耶和華──你上帝所揀的人做王，做你的頭。對你的兄弟中設立一人做王，做你的頭；外國人呣是你的兄弟的，你呣通設立做你的頭。 |
| 17:16 | 總是王呣通為著家己加添多多隻馬，也呣通為著欲加添卡多隻馬，互百姓倒去埃及，因為耶和華曾命令恁講：『恁莫閣對彼條路倒去。』 |
| 17:17 | 伊也呣通為家己娶多多后妃，驚了伊的心悖謬；伊也呣通為本身積聚多多金銀。 |
| 17:18 | 伊坐伊的國位的時，著用一本冊抄寫此個律法，著對彼本存佇祭司利未人的面前的來抄伊， |
| 17:19 | 彼本著下佇伊遐，一世人著讀伊，通學習敬畏耶和華──伊的上帝，著執守此個律法一切的話及諸個律例來行伊， |
| 17:20 | 免得伊自高來看輕兄弟，閣免得伊偏左偏右，來離開此個誡命。通互伊及伊的子孫佇以色列中，國位久長。」 |
