台語聖經

線上台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

申命記第12章

章節快速選擇 :

上下篇聖經查閱：民數記約書亞記回到目錄

12:1	「恁佇世間一生的日，佇耶和華──恁列祖的上帝所賞賜恁做業的地，著執守來行的律例法度就是諸個：
12:2	恁所欲趕來承接的列國，見若𪜶服事𪜶許個上帝的所在，無論佇高山、佇小山，佇攏總青翠的樹腳，攏著毀壞𪜶；
12:3	恁也著拆毀𪜶的祭壇，拍碎𪜶雕刻的柱，用火燒𪜶的亞舍林，剉𪜶所雕刻的上帝的像，也著對彼所在除滅𪜶的名。
12:4	恁呣通親像按呢來服事耶和華──恁的上帝。
12:5	獨獨耶和華──恁的上帝將來對恁眾支派中所欲揀的所在，通佇遐安置伊的名，就是伊徛起的所在，恁著去遐尋伊，
12:6	將恁的燒祭、及別號的祭、十份取一份的物，及手裡的舉祭，以及謝願的祭、甘心獻的祭，以及牛群羊群中頭水生的，攏著帶到遐。
12:7	佇遐，恁佇耶和華──恁上帝的面前，為著恁的手所做一切的事，得著耶和華──恁上帝賜福的，恁及恁的家眷攏著飲食歡喜。
12:8	咱今仔日佇遮所行的事是逐人行伊家己看做著的，恁將來呣通按呢行；
12:9	因為恁現今猶未有到耶和華──你的上帝所賞賜你的安息及產業。
12:10	總是恁過約但，得著徛起佇耶和華──恁上帝賞賜恁承接的地，閣互恁脫離四圍攏總的對敵，得著安息來安穩徛起。
12:11	就欲有一所在是耶和華──恁的上帝所揀來安置伊的名的，見若我所命令恁的就是恁的燒祭、及別號的祭、十份取一份的物，及手裡的舉祭，以及你對耶和華所下願極好的物，攏著帶到遐。
12:12	恁及恁的子、查某子、奴僕、女婢，攏著歡喜佇耶和華──恁上帝的面前，利未人踮佇恁的門內的也是按呢，因為𪜶佇恁中間無份無業。
12:13	你著家己謹慎，呣通佇你看合意的所在獻恁的燒祭。
12:14	獨獨佇你諸個支派中的一個，耶和華所欲揀的所在，恁佇遐著獻你的燒祭，閣佇遐行我一切所命令你的。
12:15	「總是，你佇你逐個門內通照耶和華──你上帝所賞賜你的福份，照你的心所愛刣精牲食肉；無論清氣的人無清氣的人攏通食伊，親像食羚羊及鹿一般。
12:16	總是血呣通食，著傾佇地裡，親像傾水一樣。
12:17	你的五殼、酒、油十份的一份，或是牛群羊群中頭水生的，或是你下願獻的、甘心獻的，或是手裡的舉祭，攏呣通佇你的門內食伊。
12:18	獨獨佇耶和華──你的上帝的面前食伊，就是佇耶和華──你的上帝所欲揀的所在，你及你的子、你的查某子、奴僕、女婢，以及踮佇你門內的利未人，攏著食伊；見若你的手所做的，佇耶和華──你上帝的面前通歡喜。
12:19	你著家己謹慎，佇你的地方，一世人呣通放拺利未人。
12:20	「耶和華──你的上帝照伊所應允你的開闊你的境界的時，你的心愛食肉，所以講：『我欲食肉』，就通照你的心所愛的來食肉。
12:21	耶和華──你的上帝所揀欲安置伊的名的所在若離開你真遠，就通照我所命令你的，將耶和華賞賜你的牛羊取來刣伊，通照心所愛的佇你的門內食伊。
12:22	你食伊，親像食羚羊及鹿一般；無清氣及清氣的人平平通食。
12:23	獨獨你著決意，呣通食血，因為血是活命；你呣通食肉續食伊的活命。
12:24	呣通食伊，著傾佇地裡，親像傾水一樣。
12:25	呣通食伊。按呢，你行耶和華所看做著的事，你及你的子孫就會得著福氣。
12:26	獨獨你所有的聖物及你所下願的，著帶到耶和華所欲揀的所在。
12:27	你的燒祭，肉及血，著獻佇耶和華──你上帝的壇頂。你祭物的血著傾佇耶和華──你上帝的壇；彼個肉，你通食。
12:28	你著執守聽趁我命令你一切的話，行耶和華──你上帝所看做好做著的事。按呢，你及你的後裔就通永遠得著福氣。」
12:29	「耶和華──你的上帝對你的面前除滅你所欲去承接的國，你承接伊來徛起伊的地，
12:30	彼時你著家己謹慎，呣通佇𪜶對恁的面前除滅了後，陷落𪜶的羅網來隨𪜶，也呣通探聽𪜶的上帝的事講：『諸個國怎樣服事𪜶的上帝，我也欲按呢行。』
12:31	你呣通對耶和華──你的上帝按呢行，因為𪜶對𪜶的上帝行耶和華一切所痛恨厭惡的事，甚至用𪜶的子查某子用火燒，獻互𪜶的上帝。
12:32	見若我所命令恁的，恁攏著執守來行，你呣通加添，也呣通減少。」

- 本章節結束 -

聯繫資訊

線上台語聖經

台語聖經

申命記第12章

快速導航

相關資訊

聯絡麥穗田

聯繫資訊

線上台語聖經

台語聖經

申命記 第12章

申命記第12章