走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 32:1 | 諸個天啊，著俯耳孔，我欲講話；願地也著聽我的嘴所講的。 |
|---|---|
| 32:2 | 我的教示欲親像雨降落；我的話親像露水啲滴，親像濛濛的雨落佇幼幼的草；親像大雨落佇菜蔬。 |
| 32:3 | 因為我欲宣傳耶和華的名；恁著尊咱的上帝做大。 |
| 32:4 | 做石磐者，伊所做的是完全；伊的路攏是公平，是真實的上帝攏無不義，伊是公義，閣正直。 |
| 32:5 | 此個乖僻彎曲的世代家己敗壞；呣是伊的子，是𪜶的弊病。 |
| 32:6 | 愚戇無知的百姓啊，恁按呢報答耶和華嗎？伊豈呣是你的老父、買你的嗎？伊有創造你、建立你。 |
| 32:7 | 著記得古早的日，數念歷代的年；問你的老父，伊欲指示你；問你的老大，𪜶欲給你講。 |
| 32:8 | 至高者分業互列邦，分開世間人的時，就定著百姓的界限，照以色列人的數額。 |
| 32:9 | 耶和華的份額是伊的百姓；伊所得著的產業是雅各。 |
| 32:10 | 伊抵著伊佇拋荒的地──佇荒癈野獸哮的曠野，伊圍踅伊，看顧伊，保護伊，親像目睭仁。 |
| 32:11 | 閣親像鷹鳥撈伊的巢，佇鷹仔的頂面拽伊的翅，展開翅股來承伊，載伊佇伊的翅股。 |
| 32:12 | 只有耶和華導伊，無別個上帝及伊佇啲。 |
| 32:13 | 就互伊騎佇地上高的所在，得著食田裡的土產；閣互伊對石磐吸蜜，對火石吸油； |
| 32:14 | 也食牛奶油，及羊奶，肥的羊仔子，巴珊所出的綿羊牨及山羊，及上好的小麥；也飲葡萄汁的酒。 |
| 32:15 | 耶書崙肥就鴨霸，你已經肥，閣大粒，肉真博，伊就離開創造伊的上帝，看輕救伊的石磐； |
| 32:16 | 𪜶用別個上帝，激伊妒忌，用可惡的，惹伊的受氣。 |
| 32:17 | 𪜶祭獻邪鬼呣是真的上帝，就是𪜶平素所呣識的上帝，是新的近來才有的，是你的列祖所無驚畏的。 |
| 32:18 | 生你的石磐你無數念伊，生你的上帝你𣍐記得伊。 |
| 32:19 | 耶和華看見就怨恨，因為伊的子查某子激伊的緣故，就講： |
| 32:20 | 我欲對𪜶掩我的面，看𪜶結局怎樣。𪜶是乖僻的族類，無信實的子兒。 |
| 32:21 | 𪜶用彼個「呣是上帝」的激我的妒忌，用𪜶的虛假的物惹我的受氣。我就用「呣是做百姓」的激𪜶的妒忌，用愚戇的國民惹𪜶的受氣。 |
| 32:22 | 因為佇我的受氣中有火𤏸起來，燒到陰間極深的所在，也燒地及地的出產，也起火燒諸個山的地基。 |
| 32:23 | 我欲積聚災禍佇𪜶的頂面，用我攏總的箭來射𪜶。 |
| 32:24 | 𪜶欲因為枵餓來消瘦，受炎熱及毒症吞滅。我欲互𪜶抵著野獸的嘴齒，及蛇的毒。 |
| 32:25 | 外面有刀劍，內面有驚惶，互人死亡，互少年的查甫人、及在室女、食奶的、及白頭毛的人，攏滅無。 |
| 32:26 | 我講，我欲互𪜶四散佇遠遠，佇人的中間除𪜶的名字。 |
| 32:27 | 總是我驚對敵激我，驚了𪜶的對敵誤會，驚了𪜶欲講：是阮的手抬高，呣是耶和華行諸個事。 |
| 32:28 | 因為𪜶是𣍐曉得想的百姓，佇心內無聰明。 |
| 32:29 | 願𪜶有智慧，會明白此個，會想𪜶的結局。 |
| 32:30 | 若呣是𪜶的石磐賣𪜶，若呣是耶和華將𪜶交互人，怎樣對敵一個會趕𪜶一千？二個會互𪜶一萬逃走啊？ |
| 32:31 | 𪜶的石磐無親像咱的石盤，連咱的對敵也按呢評判。 |
| 32:32 | 𪜶的葡萄樹是對所多瑪的葡萄樹傳的，也對蛾摩拉的園出的；𪜶的葡萄是毒的葡萄，歸葩攏是苦的。 |
| 32:33 | 𪜶的酒是龍的毒，是惡蛇殘害的毒。 |
| 32:34 | 這豈呣是積聚佇我遮，封密佇我寶貝的庫房嗎？ |
| 32:35 | 伸冤報應在佇我，佇𪜶的腳踏顛的時；因為𪜶抵著災禍的日近啦；所欲抵著的事會緊緊到。 |
| 32:36 | 耶和華看見伊的百姓氣力已經無去，許個拘束的、自由的攏無留一個，就欲替𪜶伸冤，因為伊的奴僕來退悔。 |
| 32:37 | 伊欲講：𪜶的上帝，𪜶所倚靠的石盤， |
| 32:38 | 就是食𪜶祭祀的油，飲𪜶灌奠的酒的，今佇叨落？通互𪜶起來幫助恁，保護恁。 |
| 32:39 | 恁今著看：我，我就是伊；我以外無有上帝。我互人死，我互人活；我損傷伊，我醫治伊，無一個會對我的手救出。 |
| 32:40 | 我抬起手向天講：我指我的永活來講： |
| 32:41 | 我若磨我光爁爁的刀，我若執行審判，就欲刑罰我的對敵，報應怨恨我的人。 |
| 32:42 | 我欲互我的箭飲血到醉，我的刀欲食肉，就是受刣受掠的人的血，對敵首領的頭的肉。 |
| 32:43 | 列國啊攏著及伊的百姓相及歡喜；因為伊欲為伊的奴僕的血伸冤，報應伊的對敵，欲贖伊的地，及伊的百姓的罪。 |
| 32:44 | 摩西來用此個歌一切的話唸互百姓聽，嫩的子約書亞也及伊佇啲。 |
| 32:45 | 摩西對以色列的眾人講諸個一切的話明白， |
| 32:46 | 就給𪜶講：「我今仔日所對恁干證一切的話，恁著囥佇心裡；也著吩咐恁的子孫執守來行此個律法一切的話。 |
| 32:47 | 因為這對佇恁呣是空空的事，是恁的活命；也欲因為此個事恁的日子得著久長，佇恁過約但欲入去承接的地。」 |
| 32:48 | 當日，耶和華吩咐摩西講： |
| 32:49 | 「你上去亞巴琳山尼波的山頭，及耶利哥對面的摩押地，看我賞賜以色列人做業的迦南地。 |
| 32:50 | 你欲死佇你所上去的山，來倒祖，親像你的兄亞倫死佇何珥山，來倒祖一樣。 |
| 32:51 | 因為恁佇尋的曠野，加低斯的米利巴的水，佇以色列人中得罪我，因為佇以色列人中無尊我做聖。 |
| 32:52 | 你通對面看彼個地，總是𣍐得通入去到我所賞賜以色列人的地。」 |
