走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 13:1 | 「恁中間若有先知抑是夢見夢的起來，對恁顯出神蹟奇事， |
|---|---|
| 13:2 | 就對恁講：『咱來去趁你平素所呣識的別個上帝，來服事𪜶。』伊所顯明的神蹟奇事就若應驗， |
| 13:3 | 你也呣通聽彼個先知抑是彼個夢見者的話；因為耶和華──恁上帝啲試恁，愛知恁是盡心盡性疼耶和華──恁的上帝抑無。 |
| 13:4 | 恁著順趁耶和華──恁的上帝，敬畏伊，守伊的誡命，聽伊的話，服事伊，結聯伊。 |
| 13:5 | 彼個先知抑是彼個夢見夢的已經用話悖逆耶和華──恁的上帝，就是導恁出埃及地、贖回恁脫離做奴才的家的，𪜶按呢欲拔恁離開耶和華──你的上帝所命令你行的路，你就著互伊死。按呢對恁中間除去彼個歹。 |
| 13:6 | 「若是你同母的兄弟，抑是你的子你的查某子，抑是你心懷中的某，抑是親像你生命的朋友，暗靜引誘你，講：『咱來去服事別個上帝就是你及你的列祖平素呣識的── |
| 13:7 | 是你四圍諸個國的上帝。』離開恁近，抑離開恁遠，對此個地極到彼個地極的， |
| 13:8 | 你呣通趁伊，呣通聽伊，目睭呣通惜伊。你呣通可憐伊，也呣通囥密伊， |
| 13:9 | 你的確著互伊死；你著做頭下手欲互伊死，然後眾百姓也下手。 |
| 13:10 | 你著用石頭擲互伊死，因為伊想欲拔你離開耶和華──你的上帝就是導你出埃及地做奴才的家的。 |
| 13:11 | 就以色列眾人欲聽見來驚，無閣行此號歹代佇恁中間。」 |
| 13:12 | 「佇耶和華──你上帝所賞賜你徛起諸個城的一個，你若聽見講， |
| 13:13 | 有匪類對恁中間出，拔徛起𪜶的城的人，講：『咱來去服事別個上帝，恁前所呣識的』； |
| 13:14 | 你就著探聽，查考，詳細問，看啊！果然是真，準準有此個可惡的事行佇恁中間， |
| 13:15 | 你的確著用刀刣死徛起彼個城的百姓，將伊以及伊所有的，伊的精牲，一盡用刀滅伊。 |
| 13:16 | 你著用所搶彼個城的物疊佇街市裡，用火燒彼個城及所搶一切的物互耶和華──你的上帝；彼個城永永做土堆，無通閣起。 |
| 13:17 | 彼個應該毀滅的物攏呣通一點仔住佇你的手，互耶和華息伊的大受氣，恩典你，憐憫你，互你加添人額，照伊對你的列祖所咒誓的。 |
| 13:18 | 因為你聽耶和華──你上帝的話，守伊一切的誡命，就是我今仔日所命令你的，來行耶和華──你的上帝所看做好的。」 |
