走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 9:1 | 「以色列啊，著聽！你今仔日欲過約但，入去承接許個比你卡大卡猛的國，得著闊大閣堅固到抵天的城。 |
|---|---|
| 9:2 | 彼個百姓大閣，是亞衲的族，恁所知的；也曾聽見有人指𪜶講：『是誰佇亞衲族的面前徛會住啊？』 |
| 9:3 | 今仔日你著知，耶和華──你的上帝做你的頭前過去，親像烈烈的火，伊欲滅無𪜶，互𪜶大大刣輸佇恁的面前。恁著趕𪜶出，互𪜶緊緊滅無，照耶和華所對恁講的。 |
| 9:4 | 「耶和華──你的上帝對你的面前趕出𪜶了後，你心內呣通想講：『耶和華導我入來承接此個地是因為我的義。』其實，耶和華是為著許個國的歹才對你的面前趕𪜶出。 |
| 9:5 | 你入去承接𪜶的地，並呣是因為你的義，也呣是因為你的心正直，就是因為諸個國的歹，耶和華──你的上帝才對你的面前趕𪜶出去，閣因為耶和華欲堅固伊對你的列祖亞伯拉罕、以撒、雅各所咒誓的話。」 |
| 9:6 | 「你著知，耶和華──你的上帝用娞美的地賞賜恁做業，呣是因為你的義；因為你是頷頸硬的百姓。 |
| 9:7 | 你著記得，呣通𣍐記得，你佇曠野惹著耶和華──你的上帝的受氣。對恁出埃及地彼日，到恁來到此個所在，恁常常悖逆耶和華。 |
| 9:8 | 恁佇何烈山閣惹耶和華受氣；致到耶和華受氣恁，欲滅無恁。 |
| 9:9 | 當時我上山，欲領受石碑，就是耶和華及恁立約的碑。彼時我踮佇山裡四十日四十暝，無吃餅，無飲水。 |
| 9:10 | 耶和華用二塊石碑交代我，是上帝用指頭仔寫的。彼頂面所寫的是照耶和華佇大會的日、佇山頂、佇火中對恁所講一切的話。 |
| 9:11 | 四十日四十暝了後，耶和華用彼二塊石碑，就是約碑，交代我。 |
| 9:12 | 耶和華對我講：『你起來，緊緊對遮落去！因為你的百姓，你對埃及導出來的已經敗壞家己；𪜶快快偏歪我所命令的路，因為𪜶為家己鑄一身偶像。』 |
| 9:13 | 「耶和華閣吩咐我講：『我看此個百姓，看啊！是頷頸硬的百姓。 |
| 9:14 | 你出在我，我欲滅𪜶，對天下擦滅𪜶的名，我欲互你成做一國比𪜶卡強卡大。』 |
| 9:15 | 我就越轉身落山，山互火燒𤏸，二塊約碑佇我二支手裡。 |
| 9:16 | 我一下看恁已經得罪耶和華──恁的上帝，為家己鑄一隻牛仔，緊緊歪斜耶和華所命令恁的路， |
| 9:17 | 我用彼二塊碑對我的雙手㧒落去，拍折佇恁的目睭前。 |
| 9:18 | 我仆佇耶和華的面前親像前的款四十日四十暝，無食餅，無飲水，因為恁所犯一切的罪，行耶和華看做歹的事，惹伊的受氣。 |
| 9:19 | 彼時耶和華大呣甘願受氣恁，我就真驚，因為伊受氣欲滅恁；總是彼擺耶和華閣聽我。 |
| 9:20 | 耶和華也受氣亞倫，欲滅伊；像彼時我也替亞倫祈禱。 |
| 9:21 | 彼時我用恁犯罪的物，就是恁所鑄的牛仔用火燒伊，閣搥伊，研到幼幼，幼到親像土粉，我用此個土粉撒佇對山頂流落來的溪。 |
| 9:22 | 「恁也佇他備拉、佇瑪撒、佇基博羅哈他瓦閣激起耶和華的受氣。 |
| 9:23 | 耶和華差恁離開加低斯巴尼亞，講：『恁上去承接我所賞賜恁的地。』彼時恁違背耶和華──恁上帝的命令，呣信伊，也呣聽伊的話。 |
| 9:24 | 對我識恁的日，恁常常悖逆耶和華。 |
| 9:25 | 「我因為耶和華講欲滅恁，就仆佇耶和華的面前仆啲四十日四十暝。 |
| 9:26 | 我祈禱耶和華講：『主耶和華啊，求你莫得滅無你的百姓。你的產業，就是你用大氣力贖回的，用大權能的手導出埃及的。 |
| 9:27 | 求你著記得你的奴僕亞伯拉罕、以撒、雅各，莫得記念此個百姓的硬心、及𪜶的歹、𪜶的罪， |
| 9:28 | 驚了你導阮出來彼所在的人講，耶和華因為𣍐會導𪜶入伊所應允𪜶的地，閣怨恨𪜶，所以導𪜶出去，欲滅𪜶佇曠野。 |
| 9:29 | 呣拘𪜶是你的百姓，你的產業，是你用你的大權能，用你伸出來的手所導出來的。』」 |
