走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 21:1 | 「佇耶和華──你上帝所賞賜你做業的地，若抵著受刣的人倒佇田野，呣知是是誰刣死的， |
|---|---|
| 21:2 | 你的長老及審判官著出來量伊，對受刣的人彼叨，直到四圍許個城， |
| 21:3 | 看叨落一個城離開受刣的人第一近，就彼個城的長老著對牛群中取一隻未曾用伊來做工、未曾掛軛的牛種仔， |
| 21:4 | 彼個城的長老著牽牛種仔到有長流水的山谷、無種無作的，佇彼個山谷摃折牛種仔的頷頸。 |
| 21:5 | 祭司利未人的子孫著近倚；因為耶和華──你的上帝揀𪜶來服事伊，託耶和華的名祝福，所有相告相拍的事攏著照𪜶的話來擬斷。 |
| 21:6 | 彼個城的眾長老，就是離開受刣的人第一近的，著佇彼個山谷中，所摃折頷頸的牛種仔的頂面來洗手， |
| 21:7 | 也欲應來講：『阮的手未曾流此個血；阮的目睭也未曾看見。 |
| 21:8 | 耶和華啊！求你赦免你的百姓以色列你所贖回的，莫得互無罪的血歸佇你的百姓以色列。』 |
| 21:9 | 按呢，流彼個血的罪及伊無干涉。按呢就對恁中間除去流無罪的血的罪，是你有行耶和華看做好的。」 |
| 21:10 | 「你出去及你的對敵交戰的時，耶和華──你的上帝將𪜶交佇你的手，你也掠𪜶去。 |
| 21:11 | 彼時佇受掠的人的中間若看見有美女，你也戀慕伊，欲娶伊做某， |
| 21:12 | 就通導到你的家；伊就著剃頭毛，修指甲， |
| 21:13 | 褪去伊受掠的時所穿的衫，踮佇你的家哀哭父母一月日，然後你通及伊同房。你做伊的丈夫，伊做你的某。 |
| 21:14 | 後來你若無歡喜伊，就著互伊出在伊的意思出去，決斷呣通賣錢，也呣通當做女婢款待伊，因為你已經及伊成親。」 |
| 21:15 | 「人若有二個某，一個是伊所疼的，一個是伊所怨的攏有給伊生子，總是大子是所怨的某生的。 |
| 21:16 | 到互子承接業的日，呣通立受疼的某生的子做大子，𨃟過真的大子就是受怨的某的子， |
| 21:17 | 總是著認所怨的某的子做大子，將所有的業互伊雙份；因為伊是伊氣力的起頭，大子的名份是伊的。」 |
| 21:18 | 「人若有頑皮忤逆的子，呣聽𪜶老父的話抑是老母的話，𪜶雖然警戒伊，伊猶原呣聽𪜶， |
| 21:19 | 伊的父及伊的母著掠伊，拖伊出帶到本城的長老遐，就是伊本所在的城門， |
| 21:20 | 給彼個城的長老講：『阮此個子頑皮忤逆，呣聽阮的話，濫糝開錢貪食好酒。』 |
| 21:21 | 彼個城的眾人就著用石頭擲互伊死。按呢，就對恁中間除去彼個歹，以色列眾人攏欲聽見來驚。」 |
| 21:22 | 「人若犯應該死的罪，受辦罪死，你若吊伊佇柴裡， |
| 21:23 | 伊的身屍呣通吊佇柴裡過暝，的確著佇彼日埋葬伊，免得拍垃墋耶和華──你上帝賞賜你做業的地。因為受吊死的人是受上帝所咒詛的。 |
