走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 7:1 | 「耶和華──你的上帝導你入你所欲去得著的地，對你的面前趕出多多邦國，就是赫人、革迦撒人、亞摩利人、迦南人、比利洗人、希未人、耶布斯人，共七國，攏比你卡大卡猛。 |
|---|---|
| 7:2 | 耶和華──你的上帝將𪜶交付你互你拍贏伊，彼時你著一盡滅𪜶，呣通及𪜶立約，也呣通憐憫𪜶。 |
| 7:3 | 呣通及𪜶結親。你的查某子呣通嫁互伊的子，也呣通給你的子娶伊的查某子； |
| 7:4 | 因為伊欲互你的子越轉無隨我，去服事別個上帝，致到耶和華大受氣恁，緊緊滅恁。 |
| 7:5 | 總是恁著按呢款待𪜶：拆毀𪜶的祭壇，拍碎𪜶雕刻的柱，剉𪜶的亞舍林，用火燒𪜶所妝的偶像。 |
| 7:6 | 因為恁做聖潔的百姓；歸佇耶和華──你的上帝；耶和華──你的上帝對地上萬百姓中揀你，特別做伊家己的百姓。 |
| 7:7 | 「耶和華疼恁，揀恁，呣是因為恁的人額比別國卡多，因為恁的人額是萬國中第一少的。 |
| 7:8 | 是因為耶和華疼恁，閣因為欲行伊對恁列祖所咒誓的，耶和華才用大權能的手導恁出來，對做奴才的家救贖恁脫離埃及王法老的手。 |
| 7:9 | 所以，你著知耶和華──你的上帝，伊是上帝，是信實的上帝；為著疼伊、守伊誡命的人，行伊的約及慈愛，直到千代； |
| 7:10 | 見若怨恨伊的人伊欲當面報應來滅𪜶。怨恨伊的人伊欲當面報應伊，無欲延延。 |
| 7:11 | 所以，你著執守我今仔日所命令你的誡命、律例、法度來行伊。」 |
| 7:12 | 「後來恁若聽諸個法度，執守來行伊，耶和華──你的上帝因為按呢欲給你行伊對你的列祖所咒誓的約，及慈愛。 |
| 7:13 | 伊欲疼你，賜福你，互你興旺，也欲佇伊對你的列祖咒誓賞賜你的地，賜福你的胎所生的，你的地所出的，及你的五穀、你的酒、你的油，以及你的牛仔，及你的羊仔子。 |
| 7:14 | 你欲得著賜福贏過萬百姓；恁中間的男女無一個𣍐生養，恁中間的精牲無一隻𣍐生湠。 |
| 7:15 | 耶和華欲互一切的病症離開你；你所知埃及逐樣的歹症頭，伊無互你抵著一項，是欲互一切怨恨你的人抵著。 |
| 7:16 | 耶和華──你的上帝所欲交付你的百姓，你著攏滅𪜶；你的目睭呣通可憐𪜶。你也呣通服事𪜶的上帝，因為這欲做害你的羅網。 |
| 7:17 | 「你若心內想講，諸個國比我卡大，我豈可會趕逐𪜶啊？ |
| 7:18 | 你呣免驚𪜶，的確著記得耶和華──你的上帝向法老及埃及全地所行的事， |
| 7:19 | 就是你親目看見的大試煉、神蹟、奇事，及大權能的手，及伸出來的手骨，攏是耶和華──你的上帝所用來導你出的。耶和華──你的上帝也欲按呢行佇你所驚一切的百姓。 |
| 7:20 | 閣耶和華──你的上帝欲差大隻蜂飛到𪜶中間，直到𪜶所剩來閃匿者滅佇你的面前。 |
| 7:21 | 你呣免驚𪜶，因為耶和華──你的上帝是大閣通驚的上帝佇恁中間。 |
| 7:22 | 耶和華──你的上帝欲佇你的面前漸漸除滅諸個國；你呣通緊緊滅伊到盡，驚了野獸加添多多來害你。 |
| 7:23 | 耶和華──你的上帝欲將𪜶交付你，互𪜶大驚擾亂，直到𪜶滅無； |
| 7:24 | 閣欲用𪜶許個王交佇你的手，你欲除滅𪜶的名佇天下。的確無一人會徛佇你的面前，直到你滅無𪜶。 |
| 7:25 | 𪜶所雕刻𪜶的上帝的像，恁著用火燒伊；伊的身上的金銀，你呣通貪，也呣通提伊做家己的，驚了你為此個陷落羅網；因為這是耶和華──你的上帝所厭惡的。 |
| 7:26 | 見若通厭惡的物，你呣通帶入你的厝；驚了你也成做通咒詛的，及許個物一樣。你著極其痛恨，極其厭惡，因為是通咒詛的。」 |
