走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 23:1 | 「見若外腎受傷的，抑是受閹割的，呣通入耶和華的會。 |
|---|---|
| 23:2 | 「私通來生的子呣通入耶和華的會；雖然到伊的十代，也呣通入耶和華的會。 |
| 23:3 | 「亞捫人抑是摩押人呣通入耶和華的會；雖然到𪜶的十代，永遠𣍐通入耶和華的會。 |
| 23:4 | 因為恁出埃及的時，𪜶無用食物及水佇路裡迎接恁，閣因為𪜶對敵恁，倩米所波大米的毗奪人比珥的子巴蘭來咒詛恁。 |
| 23:5 | 總是耶和華──你的上帝呣聽巴蘭，耶和華──你的上帝互彼個咒詛變做祝福你，因為耶和華──你的上帝疼你。 |
| 23:6 | 你一世人到永遠呣通給𪜶圖謀平安及福氣。」 |
| 23:7 | 「呣通怨恨以東人，因為伊是你的兄弟。呣通怨恨埃及人，因為恁曾出外佇遐。 |
| 23:8 | 𪜶所生的子孫到第三代通入耶和華的會。」 |
| 23:9 | 「你的軍隊出去攻擊你的對敵，佇營盤著家己禁誡一切的歹事。 |
| 23:10 | 「恁中間若有人，佇暝時所抵著的，來染無清氣，伊就著出去到營外，呣通入營內； |
| 23:11 | 到欲暗的時，伊著用水洗，到日落才通入營。 |
| 23:12 | 「你佇營外揀一位通出去到外面的所在。 |
| 23:13 | 佇你的器具內著有托仔，你佇外面出恭的時，著用伊掘土，才越轉身蓋你所放的。 |
| 23:14 | 因為耶和華──你的上帝四界行佇你的營內，欲拯救你，將你的對敵交互你，所以你的營盤應該著有聖潔，免得伊看見你中間有污穢，就離開你。」 |
| 23:15 | 「若有奴僕脫離伊的主人，走到你遐，你呣通將伊交互伊的主人。 |
| 23:16 | 伊欲及你踮，徛你中間，佇伊所揀你一個城門內的所在，就是伊所歡喜的；你呣通欺負伊。 |
| 23:17 | 「以色列的女子中呣通有妓女；以色列的男子中呣通有孌童。 |
| 23:18 | 娼妓所得著的錢，抑是狗類的工錢，你呣通帶入耶和華──你上帝的殿來謝願，因為此二項攏是耶和華──你上帝所厭惡的。 |
| 23:19 | 「你的兄弟或是對你借錢銀，抑是借食物，借見若會生利息的物，你攏呣通提伊的利息。 |
| 23:20 | 你借外族的人通提伊的利息，總是借你的兄弟就呣通提伊的利息。通互耶和華──你上帝佇你所去欲得著做業的地，佇你的手所做一切的事賜福你。 |
| 23:21 | 「你對耶和華──你的上帝下願，謝伊呣通延延；因為耶和華──你的上帝的確欲對你討，你若無謝就有罪。 |
| 23:22 | 你若無下願，就無罪。 |
| 23:23 | 見若對你的嘴所出的，照你已經下願佇耶和華──你上帝來甘心獻的，就是你的嘴所應，你著執守來行伊。 |
| 23:24 | 「你入你的厝邊的葡萄園，通出在意思食葡萄到飽，總是呣通貯佇你的器具內。 |
| 23:25 | 你入你的厝邊猶未割的五穀中，通用手摘伊的穗，總是呣通用鐮仔割你的厝邊的五穀。」 |
