台語聖經

線上台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

申命記第2章

章節快速選擇 :

上下篇聖經查閱：民數記約書亞記回到目錄

2:1	「此霎了後，咱越倒轉起身，對紅海的路去曠野，是照耶和華所對我講的。咱踅西珥山多多日。
2:2	耶和華吩咐我講：
2:3	『恁踅此個山久啦，著越轉向北勢去。
2:4	你著吩咐百姓講：以掃的子孫恁的兄弟踮佇西珥，恁欲經過𪜶的境界。𪜶欲驚恁，所以恁著不止謹慎。
2:5	呣通及𪜶爭戰；𪜶的地，就若一腳跡位，我攏無互恁，因為我已經將西珥山互以掃做業。
2:6	恁著用銀對𪜶買米糧來食，也著用銀對𪜶買水來飲。
2:7	因為耶和華──你的上帝佇你的手所做一切的工賜福你。你行此個大的曠野，伊攏知。此四十年，耶和華──你的上帝及你佇啲，你攏無欠缺一項。』
2:8	「對按呢，咱離開咱的兄弟以掃的子孫徛起佇西珥的，對亞拉巴的路，經過以拉他、以旬迦別，咱就越轉經過摩押曠野的路去。
2:9	耶和華對我講：『呣通攪擾摩押人，也呣通及𪜶交戰。𪜶的地，我攏無欲互你做業，因為我已經將亞珥互羅得的子孫做業。』
2:10	（早前，有以米人徛起佇遐，百姓多，大閣，親像亞衲人一樣。
2:11	𪜶也互人算𪜶做利乏音人，親像亞衲人一樣；總是摩押人稱伊做以米人。
2:12	早前，何利人也徛起佇西珥，總是以掃的子孫續接伊，𪜶佇𪜶的面前剿滅𪜶，來住佇𪜶的所在，親像以色列佇耶和華賞賜𪜶做業的地所行的。）
2:13	今恁著起來過撒烈溪！對按呢咱過撒烈溪。
2:14	對咱離開加低斯巴尼亞，到過撒烈溪的日，共三十八年，到彼代的武士攏死無佇軍營中，照耶和華對𪜶所咒誓的。
2:15	閣耶和華的手攻擊𪜶，對軍營中剿滅𪜶，到𪜶攏死無。
2:16	「武士對百姓中攏剿滅死無以後，
2:17	耶和華吩咐我講：
2:18	『你今仔日著對摩押的境界亞珥經過，
2:19	行近亞捫人的對面，呣通攪擾𪜶，也呣通及𪜶爭戰。因為亞捫人的地，我無互恁做業，因為我已經賞賜羅得的子孫做業。』（
2:20	彼個地也算做利乏音人的地，早前利乏音人踮佇遐，亞捫人稱𪜶做散送冥。
2:21	許個百姓多，大閣，親像亞衲人一樣，總是耶和華佇亞捫人的面前剿滅𪜶，𪜶就得著𪜶的地，續接徛起。
2:22	親像伊為以掃的子孫徛起佇西珥的、滅何利人佇𪜶的面前、𪜶就續接徛起𪜶的地，到今仔日。
2:23	閣有亞衛人徛起佇鄉社續到迦薩的，對迦斐託出來的迦裴託人滅𪜶，來徛起佇𪜶的位。）
2:24	今恁著起來，起身過亞嫩的山谷；看啊，我已經將亞摩利人希實本王西宏及伊的地交佇你的手頭，你著起手得著伊的地，去及伊交戰。
2:25	對今仔日起，我欲互天下萬百姓聽見你的名聲的驚恁、愞恁，閣因為你愕愕惙痛苦。」
2:26	「我就對基底莫的曠野差使者去見希實本王西宏，用和平的話講：
2:27	『求你容允我對你的地經過，我欲行大路，無偏左無偏右。
2:28	你提我的銀賣米糧互我食，提我的銀用水賣我飲，獨獨准我步行過去，
2:29	親像踮佇西珥的以掃的子孫及踮佇亞珥的摩押人款待我一樣，聽候我過約但河，入耶和華──阮的上帝所賞賜阮的地。』
2:30	總是希實本王西宏呣肯互咱對伊遐經過；因為耶和華──你的上帝互伊的性情固執，心硬，為著欲將伊交付佇你的手，親像今仔日一樣。
2:31	耶和華給我講：『看啊！對此霎起，我欲將西宏及伊的地交付佇你的面前；你今著得著伊的地做業。』
2:32	彼時，西宏及伊的眾百姓出來抵敵咱，交戰佇雅雜。
2:33	耶和華──咱的上帝將伊交付咱，咱就拍死伊及伊的子，以及伊的眾百姓。
2:34	當彼時咱取伊攏總的城，剿滅有人徛起的城，連婦仁人及囝仔，無留一個。
2:35	獨獨精牲及所搶逐個城的贓物，攏取來做家己的路用。
2:36	對亞嫩山谷邊的亞羅珥以及山谷中的城，到佇基列，無一個城堅固互咱取伊無著，因為耶和華──咱的上帝攏交付咱。
2:37	只有亞捫人的地，雅博河邊的地，及山地諸個城，及耶和華──咱的上帝所禁咱去的地，你攏無倚近伊。」

- 本章節結束 -

聯繫資訊

線上台語聖經

台語聖經

申命記第2章

快速導航

相關資訊

聯絡麥穗田

聯繫資訊

線上台語聖經

台語聖經

申命記 第2章

申命記第2章