台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

約書亞記第20章

章節快速選擇 :

上下篇聖經查閱：申命記士師記回到目錄

20:1	耶和華吩咐約書亞講：
20:2	「你吩咐以色列人講：恁著照我託摩西所給恁講的，為家己設立逃閃的城，
20:3	互彼個無意中錯誤刣人的，通走到遐，許個城通做恁閃避報人命的人的所在。
20:4	伊欲走到諸個城的一個，徛佇城門口，將伊的事情講互彼個城的長老聽。𪜶就收伊入城，互伊一所在，互伊踮佇𪜶中間。
20:5	報人命的若追趇伊，因呣通用刣人的交佇伊的手；因為伊錯誤刣死伊的厝邊，平素無怨恨伊。
20:6	伊欲住佇彼個城，聽候徛佇會眾的面前受審判，聽候彼時的祭司長已經死，刣人的才通倒去到本城本家，就是伊所對遐走出來彼個城。」
20:7	𪜶就定著設佇拿弗他利山地，佇加利利的基低斯；及佇以法蓮山地的示劍；以及佇猶大山地的基列亞巴（就是希伯崙）；
20:8	閣佇約但彼旁，近耶利哥東勢，設立屬流便支派，佇曠野，佇平洋的比悉；及屬迦得支派基列的拉末；以及屬瑪拿西支派，巴珊的哥蘭。
20:9	諸個是為著以色列眾人及寄腳佇中間所設的城，互錯誤刣人的攏通走到遐，無死佇報人命的人的手，聽候伊徛佇會眾的面前。

- 本章節結束 -