台語聖經

線上台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

約書亞記第2章

章節快速選擇 :

上下篇聖經查閱：申命記士師記回到目錄

2:1	嫩的子約書亞對什亭暗靜差二人做偵探，吩咐𪜶講：「恁去看彼個地及耶利哥。」𪜶就去，到一個娼妓喇合的厝，就歇佇遐。
2:2	有人報耶利哥王講：「看啊，今暗有以色列人來遮偷看此個地。」
2:3	耶利哥王差人去喇合遐講：「許個來你遮、入你的厝的人，你著導𪜶出來，因為𪜶來，是欲偷看此個全地。」
2:4	婦仁人將彼二人囥密，就應講：「真正有人來我遮；總是𪜶對叨落來我呣知。
2:5	日暗、欲關城門的時，許個人出去，𪜶去叨落我呣知。恁緊緊去趇，就會趇著。」（
2:6	總是婦仁人已經導𪜶上厝頂，將所排佇厝頂的麻稿來蓋𪜶。）
2:7	許個人就按約但彼條路趇伊。到路頭趇𪜶的人一下出去，城門就關。
2:8	二人猶未去睏，婦仁人就上厝頂，到𪜶遐，
2:9	對𪜶講：「我知耶和華已經將此個地賞賜恁，閣因為恁的緣故阮攏驚。此所在一切徛起的百姓佇恁的面前攏失膽；
2:10	因為阮有聽見恁出埃及的時，耶和華怎樣佇恁的頭前互紅海的水乾去，閣恁怎樣款待約但彼旁二個亞摩利王西宏及噩，就是恁所毀滅的。
2:11	阮一下聽見諸個事，就失膽。因為恁的緣故，逐個神不附體。因為耶和華──恁的上帝佇天頂地下做上帝。
2:12	今我已經好款待恁，請恁指耶和華對我咒誓，欲好款待我老父的家，續互我一個實在的記號，
2:13	欲救活我的老父老母、我的兄弟、姊妹，及一切屬𪜶所有的，拯救阮的生命免死。」
2:14	二人應伊講：「你若無漏洩阮此個事，阮甘願用阮的生命替恁。到耶和華將此個地賞賜阮的時，阮欲用慈愛誠實款待你。」
2:15	對按呢伊用索對窗仔給𪜶墜落去；因為伊的厝起佇城牆，伊也徛起佇牆頂。
2:16	伊對𪜶講：「恁著上去山裡，驚了追趇的人抵著恁，著佇遐匿三日，聽候追趇的人倒來，然後才通行恁的路。」
2:17	二人對伊講：「你教阮所咒誓的，阮的確無為著彼個來犯罪。
2:18	阮若到此所在的時，你著將此條朱紅的索縛佇墜阮落去的窗仔裡，也著聚集你的老父老母、兄弟、及你的老父全家攏踮你的厝內。
2:19	見若出你的家的門去街路的，伊的死是自取的，無阮的罪。見若及你佇厝內的，若有人下手害伊，就伊的死是阮的罪。
2:20	總是你若漏洩阮此個事，就你所教阮咒誓的及阮無干涉。
2:21	伊講：「通照恁的話來行！」對按呢伊差𪜶去，𪜶就去，伊用朱紅的索縛佇窗仔。
2:22	二人去到山裡，踮遐三日，聽候追趇的人倒去。追趇的人沿路尋𪜶，也尋無著。
2:23	二人就落山倒來，過河，到嫩的子約書亞遐，對伊講起𪜶所抵著一切的事；
2:24	閣對約書亞講：「耶和華果然用彼個全地交佇咱的手；彼所在一切徛起的百姓佇咱的面前攏失膽。」

- 本章節結束 -

聯繫資訊

線上台語聖經

台語聖經

約書亞記第2章

快速導航

相關資訊

聯絡麥穗田

聯繫資訊

線上台語聖經

台語聖經

約書亞記 第2章

約書亞記第2章